Ushtaraku, vetem operacionet ortopedike ne QSUT

Urdhri i ministrit te Shendetesise, Nard Ndoka, per zhvendosjen e qendres se traumes ne Qendren “Nene Tereza” ka krijuar nje tjeter konflikt. Ministri ka sqaruar se nuk behet fjale per kalimin e gjithe qendres ne varesi te spitalit civil, por vetem per operacionet ortopedike. “Sherbimi i traumes se bashku me pjesen e ortopedise do te qendroje ne varesi te Spitalit Ushtarak. Ne QSUT do te kryhen konsultat ortopedike dhe operacionet e planifikuara, ndersa traumat do te trajtohen ne Spitalin Ushtarak”, eshte shprehur ministri i Shendetesise, Nard Ndoka. Duke marre parasysh rritjen e popullates dhe shtimin e numrit te traumave ne kryeqytet, ministri Ndoka tha se transferimi i specialitetit te ortopedise ne QSUT, i perket qellimeve te se ardhmes, pasi po tentohet specializim i mjekeve prane Spitalit Ushtarak. Kjo, me qellim qe edhe ne spitalin “Nene Tereza” te kete nje sherbim te tille. Gjithashtu ne QSUT, do te funksionoje dhe nje spital qender e dyte e traumes, e cila gjendet ne mbarimin e fazes se pare te ndertimit. E ndersa Ministra e Shendetesise eshte duke marre keto vendime, mjeket e Spitalit Ushtarak e kane kundershtuar dhe jane te vendosur per peticionin e tyre, duke kerkuar nderhyrjen e Kryeministrit. Nese nuk jepet nje zgjidhje e drejte, qe do te thote mos transferim te ketij reparti, atehere mjeket e Spitalit Ushtarak do te hidhen ne protesta.