Universiteti, sa kushton nje vit shkollim

Nje vit shkollim, studenteve qe hyjne ne vitin akademik 2008-2009, do t'u kushtoje nga 15 mije leke deri ne 35 mije leke. Gjithcka ne varesi te degeve dhe universitetit qe ata zgjedhin per te vazhduar studimet e larta. Rektoret e Universitetit te Tiranes dhe ai i Universitetit Politeknik kane propozuar tarifa me te larta shkollimi per disa dege per vitin e ardhshem akademik.

UT

Ne Universitetin e Tiranes, "gjoben" me te shtrenjte per nje vit shkollim do ta paguajne studente qe zgjedhin degen e Drejtesise, apo ate te Shkencave Sociale. Keshtu, qe te dyja do te kushtojne plot 35 mije leke ne vit. Te pakten nese Ministria e Arsimit i miraton propozime te tilla. Nje kosto te larte do te kene edhe deget e shumekerkuara te Farmacise, Stomatologjise dhe Infermierise. Rektori i Universitetit te Tiranes, Dhori Kule, i ka propozuar MASH qe tarifa vjetore e shkollimit per to, te jete 30 mije leke. Nderkaq, nje tarife relativisht te larte do te kene edhe studentet qe fitojne te drejten e studimeve ne deget e Fakultetit te Ekonomise dhe ne degen Mjekesi te Fakultetit te Mjekesise, ne nje vit, kjo kategori studentesh, do te paguaje 25 mije leke. Me me fat do te jene ata qe do te zgjedhin njeren prej degeve te Fakultetit te Historise dhe Filologjise, sepse do te paguajne nga 20 mije leke.

Politekniku

Tarifat ne Universitetin Politeknik pritet qe te jene me te uleta se ne Universitetin e Tiranes, por gjithsesi mbeten me te larta se vitin e kaluar. Rektori Jorgaq Kacani ka propozuar qe tarifen me te larte ta kete dega e arkitektures, me 30 mije leke ne vit. Tarife shkollimi te larte do te kene gjithashtu edhe dega e Inxhinierise se Ndertimit, me 25 mije leke ne nje vit. Ndersa deget e Inxhinierise Elektrike, drejtimi Automatizim i industrise dhe drejtimi energjetik si dhe dega Inxhinieri Mekatronike, do te kushtojne 22 mije leke, si tarife vjetore shkollimi. Nderkaq, vlerat e tyre ulen, edhe sipas kerkesave te maturanteve per t'u bere pjese e disa degeve te tjera. Keshtu, deget e Fakultetit Gjeologji-Miniera do te kushtojne 20 mije leke ne vit. Nje tarife te tille do te kene edhe deget Inxhinieri Hidroteknike, Inxhinieri Gjeodezi dhe Inxhinieri Mjedisi. Nderkaq, 20 mije leke ne vit pritet te paguajne edhe studentet qe zgjedhin deget Inxhinieri Telekomunikacioni, Inxhinieri Informatike dhe Inxhinieri Elektronike. Nderkaq, rektori Kacani ka propozuar nje shifer te papercaktuar, por te kufizuar per deget e Fakulteteve te Inxhinierise Mekanike dhe Inxhinierise Matematike dhe Fizike.

Politekniku, tarifa me te larta ne krahasim me vjet

Universiteti Politeknik ka kerkuar tarifa shkollimi me te larta se vitin e kaluar. Pervec degeve te Arkitektures, Inxhinierise se Ndertimit dhe Elektronikes, te cilat nuk ndryshojne, per te gjitha deget e tjera jane kerkuar tarifa me te larta. Keshtu, ne Fakultetin e Inxhinierise Elektrike, per te tria deget e saj, nga 20 mije leke ne vit, tarifa do te behet 22 mije leke. Rritje ne masen 5 mije leke jane propozuar edhe per deget e Fakultetit Inxhinierise Mekanike, Inxhinierise Matematike dhe Fizike. Nga 15 mije leke qe ishte vjet, sivjet eshte propozuar te behet 20 mije leke. Gjithashtu, rritje pritet te pesoje tarifa edhe per deget Inxhinieri Informatike, Inxhinieri Telekomunikacioni, Inxhinieri Hidroteknike, Gjeodezi dhe Mjedis etj. Nga ana tjeter, ndryshime jane propozuar edhe per Universitetin e Tiranes. Nga 30 mije leke qe eshte aktualisht, tarifa e shkollimit per vitet e para te Fakultetit te Juridikut pritet qe te shkoje ne 35 mije leke. Gjithashtu, nje vlere te tille pritet qe te paguajne edhe studentet e viteve te para te Fakultetit te Shkencave Sociale. Kjo, nese miratohen propozimet qe kane bere dekanet e ketyre fakulteteve. Rritje po ne masen 5 mije leke ka kerkuar edhe dekani i Fakultetit te Infermierise. Keshtu, nga 25 mije leke qe eshte aktualisht kjo tarife, per vitin akademik 2008-2009 pritet qe te shkoje ne 30 mije leke.

Propozimet, qeveria vendos ne gusht

Pasi universitetet propozojne tarifat vjetore te shkollimit, bashkengjitur me kuotat, propozimi i dergohet Ministrise se Arsimit dhe te Shkences. Specialistet e kesaj te fundit shqyrtojne propozimet e universiteteve, duke bere korrigjimet perkatese. Pasi faza e shqyrtimit perfundon, MASH i dergon Keshillit te Ministrave propozimin per tarifat e shkollimit dhe numrin e kuotave. Gjate viteve te kaluara, vendimi per numrin e pranimeve ne universitete, tarifat e shkollimit dhe detajet e tjera, kane dale ne fund te korrikut, ose ne gusht. Keshtu, maturanteve s'u mbetet gje tjeter vecse te mesojne sa me shume. Fati i shume prej tyre varet nga numri i kuotave te pranimit qe do te vendose Ministria e Arsimit dhe e Shkences.

Tarifat per Universitetin Politeknik:

Inxh.elektr (Automatizim i indust.) 22 mije leke

Inxh.elektr (drejtimi energjetik) 22 mije leke

Inxhinieri Mekatronike 22 mije leke

Inxhinieri Mekanike 15 mije-20 mije

Tekstil-Mode 15 mije-20 mije

Metalurgji-Materiale 15 mije-20 mije

Inxhinieri elektronike 20 mije leke

Inxhinieri Informatike 20 mije leke

Inxhinieri telekomunik. 20 mije leke

Inxhinieri Ndertimi 25 mije leke

Inxhinieri hidrotek. 20 mije leke

Inxhinieri gjeodezi 20 mije leke

Inxhinieri Mjedisi 20 mije leke

Arkitekture 30 mije leke

Inxhinieri Gjeobur. 20 mije leke

Shkencat e Tokes 20 mije leke

Inxhinieri gjeoinformat. 20 mije leke

Inxhinieri Matematike 15 mije-20 mije

Inxhinieri Fizike 15 mije-20 mije

Tarifat per Universitetin e Tiranes:

Fakulteti i Shkencave te Nat. 15 000 leke

Fakulteti i Gjuheve te Huaja 15 000 leke

Fakulteti i Drejtesise 35 000 leke

Fakulteti i Shkencave Sociale 35 000 leke

Ne Fakultetin e Mjekesise:

a) ne degen e Mjekesise 25 000 leke

b)ne degen e Farmacise 30 000 leke

c)ne degen e Stomatologjise 30 000 leke

Fakulteti i Infermierise 30 000 leke

Fakulteti i Histori-Filologjise 20 000 leke

Fakulteti i Ekonomise 25 000 leke

Shenim: Ne Universitetin e Tiranes, aty ku jepen tarifat sipas Fakulteteve, perfshihen te gjitha deget