Ura e Shkodrës, ndërtim i para Luftës së Dytë

Agjencia e Sherbimit Arkeologjik ka deklaruar se ura e zbuluar nga punimet ne segmentin lindor te unazes se qytetit te Shkodres eshte nje ure qe i perket kohes se para Luftes se Dyte Boterore, e ndertuar nga austriaket. Ky konkluzion eshte arritur pas studimeve te teknikes se ndertimit te ures dhe kolektorit ne kete vend, por dhe ne baze te vjetersise se materialeve te perdorura, pasi jane kryer matjet edhe ne thellesi te ketij objekti.

Si e tille, duke mos qene nje veper qe mund te vleresohet si Monument Kulture, i hapet drita jeshile rinisjes se punimeve te Kolektorit te Unazes dhe rrethrrotullimit, pikerisht ne nyjen lidhese ne hyrje te qytetit te Shkodres. Drejtori i Agjencise se Sherbimit Arkeologjik prane Ministrise se Kultures ka deklaruar se ura nuk do te cenohet nga punimet, por ndertimi i unazes se madhe te qytetit do nderhyje vetem ne pjesen e kolektorit qe shtrihet tek vendi ku do behet rrethrrotullimi.
 

Ne nje faze te mevonshme eshte menduar qe mbi rrethrrotullim, te ndertohet ne formen e nje maketi ilustrues me gure te marre nga ura dytesore, e cila gjithsesi eshte gati njeshekullore, duke i dhene formen e nje miniature te kesaj vepre me vlera historike per zonen.