“Urdhri i farmacisteve” kunder heqjes se lejes per importin e barnave

Debati per projektligjin e ri dhe pasojat qe do te sillte miratimi i tij
Emanuela Sako

“Urdhri i farmacisteve” dhe institucione te tjera qe merren me mbrojtjen dhe kujdesin e qytetareve, japin alarmin per ndryshimin qe pritet te behet per tregtimin e barnave pa leje importi. Ata jane teper te shqetesuar per kerkesen e Task-Forces, qe i eshte bere Kuvendit per tregtimin e barnave pa leje importi. Shqetesimi i tyre e ka fillesen pasi kerkesa eshte depozituar ne Keshillin e Ministrave, ndersa po diskutohet nga Komisioni i Shendetesise.
Sipas tyre, nje veprimtari e tille nuk eshte aspak e drejte dhe do te krijoje shqetesim te te gjitha grupet e interesit. Kjo çeshtje do te sjelle pasoja qofte te qytetaret, ashtu edhe te grosistet, te cilet do te sfidohen nga konkurrenca e pandershme. Sipas kesaj rregulloreje, kushdo mund te tregtoje barna nga vendet europiane, me te cilat vendi yne ka lidhur nje marreveshje.
Task – Forca
Arsyeja e heqjes se lejes se importit nga Task-Forca eshte bere sepse keta te fundit pretendojne se kjo menyre do te lehtesoje barrierat burokratike ne licencimin e veprimtarive farmaceutike. Nderkohe qe ky projektligj po kerkon te heqe lejen e importit jo nga komisionet e posaçme te Ministrise se Shendetesise, por kalimin e tyre tek autoritetet jo te specializuara ne nivel lokal. “Urdhri i farmacisteve” paralajmeron se ne baze te propozimit po kerkohet heqja e kritereve te rendesishme te licencimit te aktivitetit farmaceutik, qe garantojne sherbim te kualifikuar dhe te kontrolluar. Ndersa ky projektligj, per “Urdhrin e farmacisteve”, do te sillte nje destabilizim dhe pakorrektesi ne kontrollin e barnave qe do te hyjne nga jashte.
Leja
Per tregtimin e barnave, deri tani grosistet jane te detyruar t’i nenshtrohen nje numri rregullash dhe kontrolleve te shumta per futjen e barnave ne territorin shqiptar. Ne keto te dhena perfshihen emri i tregtarit, emri i barnave, emri i lendes (lendeve) vepruese sipas emertimit te perbashket nderkombetar, forme apo doza e barit, sasia, seria. Njekohesisht te gjitha barnat duhet te kontrollohen per daten e prodhimit dhe te daten e skadimit. Tregtimi i barnave deri sot eshte i kontrolluar, ndersa liberalizimi i tregut te barnave do te shtonte problemet ne kontrollin e tyre. Nje situate e tille do te krijonte pasoja edhe te qytetaret, te cilet nuk do te jene te informuar mbi barnat qe do te perdorin dhe nese jane ne gjendje per t’u perdorur ose jo.

19 Dhjetor 2007