Ushtaraket, perfitime shtese
Qeveria miratoi diten e djeshme nje projektvendim, i cili parashikon lehtesira te reja per te gjithe ata ushtarake, te cilet sherbejne per llogari te Shqiperise ne shtabet e NATO-s dhe ne perfaqesite ushtarake te kesaj organizate. Keshtu, ne draftin e ri parashikohet qe nje sere shpenzimesh te atasheve ushtarake dhe familjeve te tyre te mbulohen nga fondet e Ministrise se Mbrojtjes. Projekti parashikon qe shpenzimet per udhetime dhe dieta jashte vendit prites dhe shpenzimet e atasheve per pritjen e partnereve zyrtare ne vendin prites te mbulohen nga Ministria e Mbrojtjes. Nga ana tjeter, drafti parashikon qe te mbuloje shpenzimet edhe te qirase se apartamentit, ku keta ushtarake do te qendrojne, madje edhe per mirembajtjen e tij. Po keshtu, shpenzimet do te jene te mbuluara edhe per faturat e energjise elektrike, ujit, gazit, telefonit fiks. Atashete ushtarake do te kene te mbuluara edhe shpenzimet per blerjen e nje automjeti, madje atyre do t'ju paguhen edhe faturat e karburantit dhe ato te mirembajtjes se automjetit. Nga ana tjeter ne draft theksohet se kur ushtaraku dergohet me sherbim jashte vend-dislokimit te komandes ose kur vjen ne atdhe ka te drejte te 100% te trajtimit financiar, qe eshte per perkujdesje ndaj familjes. Po keshtu, kur ushtaraku shtrohet per kurim ne institucionet shendetesore te shtetit, ku ndodhet komanda apo shtabi i NATO-s, ai vazhdon te perfitoje pagen perkatese dhe trajtimin financiar. Rreth dy muaj me pare, qeveria vendosi edhe pagat e reja te atasheve ushtarake prane selive te NATO-s dhe shtabeve te saj. Keshtu, sipas vendimit, paga per gjeneralet lejtnant eshte 1100 euro, shto ketu dhe 75% shtese perfaqesimi. Per gjeneral major, 1018 euro dhe 60-70% shtese perfaqesimi, per gjeneral brigade, 1000 euro dhe 60-75% shtese perfaqesimi. Kolonelet do te paguhen me 900 euro, nenkolonelet me 850 euro, majoret me 800 euro, kapitenet me 750 euro, togeret me 700 euro, nentogeret me 650 euro, rreshteret me 500 euro dhe tetaret e nentetaret me 350-400 euro. Ne draft theksohet se permiresimet shtese ne kete projektvendim per atashete ushtarake bazohen edhe ne praktiken e vendeve te tjera, anetare te NATO-s. Duke qene se Shqiperia pret te marr ftesen per anetaresimin ne NATO ne samitin e Bukureshtit muajin e ardhshem, legjislacioni i vendit tone duhet t'u pershtatet edhe kerkesave te kesaj organizate.
1100 euro
Ne muaj, shto ketu edhe 75% shtese perfaqesimi eshte paga me e larte qe paguhet per atashete tane ushtarake prane organizatave te NATO-s. Kjo page i takon gjeneralit lejtnant dhe me pas paga vjen dhe ulet sipas zbritjes se shkalleve. Paga me e ulet per tetaret e nentetare ne kuotat e 350-400 euro, shto ketu edhe shtesen e perfaqesimit.
Kompensim per koston e jeteses (ne muaj):
• 300 euro/USD, per vendet e grupit te pare
• 260 euro/USD, per vendet e grupit te dyte
• 230 euro/USD, per vendet e grupit te trete
• 200 euro/USD, per vendet e grupit te katert
• 150 euro/USD, per vendet e grupit te peste
Cfare perfitojne ushtaraket
•shpenzimet publicitare, ne interes te FA te Republikes se Shqiperise
•shpenzimet per udhetime dhe dieta jashte vendit prites, kur keto kryhen ne interes te Ministrise se Mbrojtjes
•shpenzimet per pritje te partnereve zyrtare, ne vendin prites
• shpenzimet per ceremoni zyrtare, te karakterit ushtarak, ne vendin prites
•shpenzimet per pritje te personelit ushtarak, te nivelit te larte
•shpenzimet per udhetime dhe dieta, brenda vendit prites
•shpenzimet per mbeshtetjen e veprimtarive, vecanerisht te rendesishme, te studenteve ushtarake shqiptare, ne vendet perkatese
•shpenzimet per uniformen
•shpenzimet per qira apartamenti dhe mirembajtje
•shpenzimet per energji elektrike, uje, gaz, telefon fiks
•shpenzimet per pajisje shtepiake
•shpenzimet per blerje automjeti, siguracion, mirembajtje
•shpenzimet per karburant
•shpenzimet per siguracion shendetesor familjar
•shpenzimet per taksa te shkollave publike, komisione bankare