V E N D I M PËR SHPRONËSIMIN PËR INTERES PUBLIK TË PRONARËVE, TË PASURIVE TË PALUAJTSHME, PRONË PRIVATE, TË CILAT PREKEN NGA ZGJERIMI I RRUGËS DHE I TROTUARËVE, NË RRUGËN “11 NËNTORI”, NË BASHKINË E ELBASANIT

V E N D I M  

PËR 

SHPRONËSIMIN PËR INTERES PUBLIK TË PRONARËVE, TË PASURIVE TË PALUAJTSHME, PRONË PRIVATE, TË CILAT PREKEN NGA ZGJERIMI I RRUGËS DHE I TROTUARËVE, NË RRUGËN “11 NËNTORI”, NË BASHKINË E ELBASANIT

Në mbështetje të nenit 100 të Kushtetutës, të neneve  5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”,  me propozimin e ministrit të Brendshëm, Këshilli i Ministrave

V E N D O S I :

1. Shpronësimin, për interes publik, të pronarëve të pasurive të paluajtshme, pronë private, që preken nga zgjerimi i rrugës dhe i trotuarëve, në rrugën “11 Nëntori”, në bashkinë e  Elbasanit.

2. Vlera e përgjithshme e shpronësimit për pasuritë në sipërfaqe 872 (tetëqind e shtatëdhjetë e dy) m2 , tokë truall, dhe sipërfaqe ndërtese 898,25 (tetëqind e nëntëdhjetë e tetë presje njëzet e pesë) m2 ,  është      30 714 285,5 (tridhjetë milionë e shtatëqind e katërmbëdhjetë mijë e dyqind e tetëdhjetë e pesë pikë pesë) lekë,  sipas listës, që i bashkëlidhet këtij vendimi.

3.  Vlera e përgjithshme e shpronësimit të përballohet nga të ardhurat e bashkisë së Elbasanit, miratuar në buxhetin e vitit 2008.

4. Afati i përfundimit të procedurës së shpronësimit të jetë tre muaj pas miratimit të projektit.

5. Vlera e shpenzimeve procedurale të përballohet nga bashkia e Elbasanit.

6. Afati i përfundimit të punimeve, të objektit “Zgjerimi i rrugës dhe trotuarëve, në rrugën “11 Nëntori””, të jetë në përputhje me afatet e parashikuara nga bashkia e Elbasanit.

7.  Shpronësimi të bëhet në favor të bashkisë së Elbasnait dhe regjistrimi i ri i pasurisë së përmendur në pikën 1, të këtij vendimi, të bëhet brenda 30 ditëve nga data e hyrjes në fuqi e këtij vendimi.

8. Ngarkohen Ministria e Brendshme dhe bashkia e Elbasanit për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I