V E N D I M PËR HAPJEN E PROGRAMEVE TË REJA TË STUDIMIT, TË CIKLIT TË PARË, TË DYTË DHE “MASTER I NIVELIT TË PAR˔, PRANË SHKOLLËS SË LARTË UNIVERSITARE, PRIVATE, “KRISTAL”

V E N D I M

PËR 

HAPJEN E PROGRAMEVE TË REJA TË  STUDIMIT, TË CIKLIT TË PARË, TË DYTË DHE “MASTER I NIVELIT TË PARË”,  PRANË SHKOLLËS SË LARTË UNIVERSITARE, PRIVATE, “KRISTAL”

Në mbështetje të nenit 100 të Kushtetutës dhe të neneve 4, pika 2, 43, 44  e 45,  të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1.     Lejimin e shkollës së lartë universitare, private, “Kristal”, Tiranë, për hapjen e programeve të studimit të ciklit të parë, në formën e studimeve me kohë të plotë, në fushat:

a)     Shëndet publik;

b)     Laborant mjekësor;

c)     Sociologji.

2.     Kohëzgjatja  e programeve të studimit të ciklit të  parë të jetë 3 vite akademike. Në përfundim të programeve të studimeve lëshohet diploma  e nivelit të parë (DNP), në :

a)     “Shëndet publik”;

b)     “Laborant mjekësor”;

c)     “Sociologji”.

3.     Lejimin e shkollës së lartë universitare, private, “Kristal”, Tiranë, për hapjen e programeve të studimit të ciklit të dytë, në formën e studimeve me kohë të plotë, në fushat:

a)     E drejtë civile;

b)     Marrëdhënie ndërkombëtare.

4.     Kohëzgjatja normale e programeve të studimit të ciklit të  dytë të jetë 2 vite akademike,  me plotësimin, së paku, të 120 krediteve. Në përfundim të këtyre programe të studimit lëshohet, përkatësisht, diplomë  e nivelit të dytë (DND), në :

a)     “E drejtë civile”.

b)     “Marrëdhënie ndërkombëtare”.

5.     Ngarkohet shkolla e lartë universitare, private, “Kristal”, që, për çdo program studimi, të sigurojë, nëpërmjet marrëdhënieve kontraktuale, zhvillimin e disa prej disiplinave kryesore formuese të specialitetit,  me kualifikimin e nevojshëm.

6.     Lejimin e shkollës së lartë universitare, private, “Kristal”, Tiranë, për hapjen e programit të studimit “Master i nivelit të parë”, në:

a)      Shëndet publik dhe menaxhim spitalor.

7.     Programi i studimit “Master i nivelit të pare” është pjesë e studimeve të ciklit të dytë, me, së paku, plotëismin e 60 krediteve. Në mbarim të programit të studimit lëshohet diplomë “Master i nivelit të parë (MNP), në “Shëndet publik dhe menaxhim spitalor”.

8.     Shkolla e lartë universitare, private, “Kristal”, do ta fillojë veprimtarinë mësimore për programet e studimit, të përcaktuara në pikat 1, 3 e 6, të këtij vendimi, pasi të ketë marrë lejen përkatëse nga ministri ³ Arsimit dhe Shkencës, por jo më vonë se dy javë para fillimit të vitit akademik.

Ministri e lëshon lejen pasi vlerëson se institucioni mësimor ka përmbushur angazhimet e deklaruara, në përputhje me udhëzimin e tij për këtë qëllim.

9.     Ndryshimet në vendndodhje, plane, forma studimi dhe programe, si dhe në elemente të tjera, të miratuara, bëhen pas miratimit nga Ministria e Arsimit dhe Shkencës.

10.   Shkolla e lartë universitare, private, “Kristal”, duhet t’u nënshtrohet procesit të akreditimit institucional dhe këtyre programeve të studimit, brenda afateve të përcaktuara në ligjin në fuqi.

11.   Ngarkohet Ministria e Arsimit dhe Shkencës për kontrollin periodik të ligjshmërisë në institucion dhe për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA