V E N D I M PËR NJË SHTESË NË VENDIMIN NR.87, DATË 15.2.2006, TË KËSHILLIT TË MINISTRAVE, “PËR ADMINISTRIMIN DHE MBULIMIN E SHPENZIMEVE TË RECETËS ME RIMBURSIM”

V E N D I M

PËR

NJË SHTESË NË VENDIMIN NR.87, DATË 15.2.2006, TË KËSHILLIT TË MINISTRAVE, “PËR ADMINISTRIMIN DHE MBULIMIN E SHPENZIMEVE TË RECETËS ME RIMBURSIM”

Në mbështetje të nenit 100 të Kushtetutës dhe të neneve 26 e 36, të ligjit nr.7870, datë 13.4.1994, “Për sigurimet shëndetësore në Republikën e Shqipërisë”, të ndryshuar, me propozimin e ministrit të Shëndetësisë, Këshilli i Ministrave

V E N D O S I :

1. Në pikën 3, të vendimit nr.87, datë15.2.2006, të Këshillit të Ministrave, shtohet paragrafi, me këtë përmbajtje:

“Përjashtohen nga pagesa e kësaj tarife të siguruarit, që, me ligj të veçantë, përfitojnë mjekim me barna falas.”.

2. Efektet financiare, që rrjedhin nga zbatimi i këtij vendimi, të përballohen nga fondet e Institutit të Sigurimeve të Kujdesit Shëndetësor.

Ky vendim hyn në fuqi menjëherë.

K R Y E M I N I S T R I

SALI  BERISHA