V E N D I M PËR PËRCAKTIMIN E AUTORITETIT KONTRAKTUES, PËR DHËNIEN ME KONCESION TË NDËRTIMIT TË PORTIT TË JAHTEVE NË KEPIN E RODONIT, GJIRI I LALZIT, DURRËS, DHE PËR MIRATIMIN E BONUSIT, NË PROCEDURËN PËRZGJEDHËSE KONKURRUESE, QË I JEPET SHOQËRISË

V E N D I M 

PËR

PËRCAKTIMIN E AUTORITETIT KONTRAKTUES, PËR DHËNIEN ME KONCESION TË NDËRTIMIT TË PORTIT TË JAHTEVE NË KEPIN E RODONIT, GJIRI I LALZIT, DURRËS, DHE PËR MIRATIMIN E BONUSIT, NË PROCEDURËN PËRZGJEDHËSE KONKURRUESE, QË I JEPET SHOQËRISË

Në mbështetje të nenit 100 të Kushtetutës dhe të neneve 5, pika 3, e 23,  pika 3, shkronja “b”, të ligjit nr. 9663, datë 18.12.2006, “Për koncesionet”, të ndryshuar, me propozimin e ministrit të Punëve Publike, Transportit dhe Telekomunikaiconit, Këshilli i Ministrave

V E N D O S I :

1. Autoriteti kontraktues për kryerjen e procedurave ligjore, për dhënien me koncesion, të ndërtimit të portit të jahteve në Kepin e Rodonit, Gjiri i Lalzit, Durrës, është Ministria e Punëve Publike, Transportit dhe Telekomunikacionit.

2. Koncesioni do të jetë i formës “BOT (Ndërtim, shfrytëzim dhe transferim në pronësi të shtetit).

3. Miratimin e bonusit prej 8.3 përqindësh të pikëve, për rezultatin, teknik, financiar dhe mjedisor, në procedurën konkurruese përzgjedhëse (propozim i pakërkuar), që i jepet shoqërisë “Ener Alb-Projects”, shpk.

4. Ngarkohet Ministria e Punëve Publike, Transportit dhe Telekomunikacionit për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

K R Y E M I N I S T R I

SALI  BERISHA