VENDIM PËR HAPJEN E PROGRAMEVE TË STUDIMIT, “MASTER I NIVELIT TË PAR˔, NË UNIVERSITETIN E TIRANËS

HAPJEN E PROGRAMEVE TË STUDIMIT,  “MASTER I NIVELIT TË PARË”, NË UNIVERSITETIN E TIRANËS

Në mbështetje të nenit 100 të Kushtetutës, të neneve 26 e 42, të ligjit nr.9741, datë 21.5.2007, “Për arsimin e lartë në Republikën e Shqipërisë”, të ndryshuar, me propozimin e ministrit të Arsimit dhe Shkencës, Këshilli i Ministrave

V E N D O S I:

1.     Hapjen në Universitetin e Tiranës, në Fakultetin e Shkencave Sociale, të programeve të studimit “Master i nivelit të parë”, në:

a)        “Drejtim dhe administrim arsimi”, në përfundim të të cilit lëshohet diplomë “Master i nivelit të parë (MNP)”, në “Drejtim dhe administrim arsimi”;

b)       “Qeverisja dhe politikat publike”, në përfundim të të cilit lëshohet diplomë “Master i nivelit të parë (MNP)”, në “Qeverisjen dhe politikat publike”;

c)        “Këshillim psikologjik”, në përfundim të të cilit lëshohet diplomë “Master i nivelit të parë (MNP)”, në “Këshillim psikologjik”;

ç) “Orientim profesional”, në përfundim të të cilit lëshohet diplomë “Master i nivelit të parë (MNP)”, në “Orientim profesional”;

d) “Punë sociale”, në përfundim të të cilit lëshohet diplomë “Master i nivelit të parë (MNP)”, në “Punë sociale”;

dh) “Filozofi praktike dhe humane”, në përfundim të të cilit lëshohet diplomë “Master i nivelit të parë (MNP)”, në “Filozofi praktike dhe humane”;

e) “Analizë e politikës sociale”, në përfundim të të cilit lëshohet diplomë, “Master i nivelit të parë (MNP)”, në “Analizë e politikës sociale”;

2.     Programet e studimeve “Master i nivelit të parë” realizohen me          60 kredite dhe kohëzgjatja normale e tyre është një vit.

3.     Këto programe studimi ta fillojnë veprimtarinë në vitin akademik    2009-2010.

4.     Efektet financiare, që rrjedhin nga zbatimi i këtij vendimi, të përballohen nga buxheti i Universitetit të Tiranës, pa efekte shtesë.

5.     Ngarkohen Ministria e Arsimit dhe Shkencës  dhe Universiteti i Tiranës për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

SALI  BERISHA