VENDIM PËR PROPOZIMIN E PROJEKTLIGJIT “PËR NJË NDRYSHIM DHE SHTESË NË LIGJIN NR.8290, DATË 24.2.1998, “PËR PËRDORIMIN E ARMËVE TË ZJARRIT””

V E N D I M

PëR

PROPOZIMIN E PROJEKTLIGJIT “PëR NJë NDRYSHIM DHE SHTESë Në LIGJIN NR.8290, DATë 24.2.1998, “PëR PëRDORIMIN E ARMëVE Të ZJARRIT””

Në mbështetje te neneve 81, pika 1, dhe 100, të Kushtetutës, me propozimin e ministrit të Mbrojtjes, Këshilli i Ministrave

V E N D O S I :

Propozimin e projektligjit “Për një ndryshim dhe shtesë në ligjin nr.8290, datë 24.2.1998, “Për përdorimin e armëve të zjarrit””, për shqyrtim e miratim në Kuvendin e Republikës së Shqipërisë, sipas tekstit dhe relacionit që i bashkëlidhen këtij vendimi.

Ky vendim hyn në fuqi menjëherë.

K R Y E M I N I S T R I

SALI BERISHA

P R O J E K T L I GJ

PëR

NJë NDRYSHIM DHE SHTESë Në LIGJIN NR.8290, DATë 24.2.1998, “PëR PëRDORIMIN E ARMëVE Të ZJARRIT”

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

V E N D O S I:

Neni 1

Në nenin 3, të ligjit nr.8290, datë 24.2.1998, “Për përdorimin e armëve të zjarrit”, bëhen ndryshimi dhe shtesa e mëposhtme:

1. Fjalia e parë, e pikës 2, ndryshohet, si më poshtë vijon:

“Nga forcat e Ministrisë së Mbrojtjes:”.

2. Në fund të pikës 2, shtohet një paragraf, me këtë përmbajtje:

“Në rastet që lidhen me plotësimin drejtpërdrejt të misionit të mbrojtjes së tërësisë territoriale të Republikës së Shqipërisë apo të një misioni tjetër, të caktuar nga autoritetet kompetente dhe kur përmbushja e tij nuk mund të bëhet me mjete a mënyra të tjera. Në këto raste, përdorimi i armëve të zjarrit bëhet sipas rregullave të angazhimit, të miratuara nga shefi i Shtabit të Përgjithshëm të Forcave të Armatosura, në zbatim të misionit të caktuar dhe në përputhje me legjislacionin e brendshëm e atë ndërkombëtar, të ratifikuar nga Republika e Shqipërisë.”.

Neni 2

Ky ligj hyn në fuqi 15 ditë pas botimit në “Fletoren zyrtare”.

K R Y E T A R I

JOZEFINA TOPALLI (çOBA)