VIDEO LAJM/ Dy premtimet e mbajtura të Ramës, përballë Majkos

Edi Rama dhe Pandeli Majko sot janë në krye të ekipit të Rilindjes që fitoi zgjedhjet e 23 qershorit, por diçka më shumë se 7 vjet më parë nuk kanë kaluar periudha të forta miqësie.

Pandeli Majko, atë kohë kundërshtar i Ramës, u zgjodh nga Kongresi i PS-së në postin e rëndësishëm të Sekretarit të Përgjithshëm, ndërsa Edi Rama u votua në krye të Partis렠  Socialiste.

Së pari për shkak të detyrës, 2 liderët ndërtuan një marrëdhënie të re së bashku, që nisi me 2 kërkesa të Majkos për liderin e ardhshëm të PS-së: të mos shkonte në parti me çorape të kuqe dhe t’i jepte fund beqarisë.

Sot ndër të tjera, Rama është krenar sepse të dyja këto premtime i ka realizuar më së miri, së bashku me premtimin për rikthimin në pushtet të së majtës.