Valë sulmesh terroriste në Afganistan, 50 të vdekur

Të paktën 50 persona, pjesa më e madhe civilë, kanë mbetur të vdekur gjatë 24 orëve si pasojë e sulmeve të kryera në katër provinca afgane, njoftuan sot burime të ndryshme.

Në Zaranj, kryeqyteti i provincës Nimroz, e tronditur dje nga atentatet e koordinuara nga tre kamikazë, “bilanci i fundit i bërë publik nga spitalet arrin në 30 të vdekur dhe të 130 të plagosur”, njoftoi Noor Mohammad Sherzad, kreu i shëndetësisë në provincë.
Autoritetet lokale kishin njoftuar më parë për një bilanc prej 36 të vdekurish.