Van der Sar jashtë rrezikut, kthehet në Holandë

“Edwin u riatdhesua nga Kroacia të premten në mbrëmje dhe aktualisht është shtruar në njësinë e kujdesit intensiv të një spitali holandez. Situata e tij mbetet e njëjtë: e qëndrueshme, jo kërcënuese për jetën dhe komunikuese”.

Këtë e ka bërë të ditur Ajax, në lidhje me gjendjen e Edwin Van der Sar, pas një sëmundjeje që pati në Kroaci javën e kaluar. “Familja Van der Sar dëshiron të shprehë mirënjohjen e tyre të thellë për Spitalin Universitar të Splitit për kujdesin e madh që ka dhënë gjatë javës së kaluar”.

“Edwin do të qëndrojë në njësinë e kujdesit intensiv ku do të monitorohet më tej, dhe familja shpreson se mund të fokusohet në rikuperimin e tij më vonë”.