Vapa ne Jug, 40 shtrime cdo dite

Gjirokaster- Moti i nxehte dhe temperaturat e larta te diteve te fundit kane rritur numrin e pacienteve te cilet paraqiten prane urgjences se spitalit te Gjirokastres apo qendrave te tjera shendetsore ne rrethet e Permetit dhe Tepelenes, per te marre ndihmen e pare mjekesore si shkak i goditjes nga dielli. "Vetem brenda nje dite paraqiten rreth 30-40 paciente per te marre ndihmen mjekesore", thone mjeket e urgjences. Nderkohe ne rritje ka qene edhe numri i vizitave ne qendrat shendetsore te rretheve Permet, Tepelene dhe Gjirokaster, nga komplikacionet mjekesore si shkak i te nxehtit. Pjesa me e madhe e tyre jane femije dhe paciente te moshes se trete. Per te shmangur goditjen nga dielli, mjeket keshillojne minimizimin e oreve te qendrimit nen rrezet perveluese te diellit si dhe konsumimin e sa me shume lengjeve. Por nje tjeter fenomen qe shqeteson policine e qytetit jugor mbeten edhe aksidentet ne plazhet e ndryshme apo larja ne lumenj e te miturve gjate temperaturave te larta. Policia u ka bere thirrje publike prinderve dhe komunitetit te banoreve qe te mbeshtesin veprimet e saj per te shmangur plazhin e femijeve ne zona te pakontrolluara ne brigjet e lumenjve apo liqeneve artificiale. "Per shkak te numrit te paket te efektiveve qe disponojme krahasimisht me kete problematike, ne kemi pergatitur nje plan te detajuar, i cili parashikon qe brigjet e lumenjve dhe liqenet artificiale ne rrethet e Permetit, Tepelenes dhe Gjirokastres do te mbulohen nga inspektoret e rendit te zonave perkatese", thote zedhenesi i policise, Gentian Mullai. Ne mjaft raste femijte shfrytezojne per tu lare ne keto dite te nxehta vere plazhe te pakontrolluara ne brigjet e lumenjve Drino, Vjose, apo liqenet artificiale, zona te cilat jane jashte mundesive te vezhgimit te policise.

Blerim Kore