Vazhdojnë zjarret në Rusi, 50 të vdekur

"Pesëdhjetë persona kanë vdekur deri tani", bën të ditur Ministria e Situatave të Jashtëzakonshme me anë të një komunikate ku konfirmon dhe se sipas parashikimeve temperaturat e larta do të vazhdojnë.

''Një trup i djegur u gjet në Njizhnji Novgorod, 500 kilometra në lindje të Moskës dhe një tjetër në Voronej, 500 kilometra në juglindje të kryeqytetit'', shtoi ministria.

Lufta me zjarrin dhe aksionet e shpëtimit vazhdojnë ende, ku mijëra trupa ushtarake janë angazhuar.