Vdekja e efektivit Lena në postobllok, bie akuza për vrasje nga 37-vjeçari

Tiranë- Shkaktari i aksidentit vdekjeprurës për efektivin e policisë Selman Lena tre muaj më parë, Edmir Koleci ka dalë para gjykatës sot por këtë rradhë nën akuzën e shkaktimit të aksidentit  dhe jo atë të vrasjes.

37-vjeçari Koleci kas deklaruar vetëm gjeneralitetet, ndërsa pretetendimet e tij për ngjarjen e Kamzes i shpjegoi avokati i tij mbrojtës duke i kërkuar gjykatës të ishte e butë me klientin e tij.

Sipasasaj që pretendon mbrojtja, nuk ka një aktekspertizë nëse patrulla e policisë, ishte brenda rregullave apo jo mesnatën e  katër Majit,ku ndodhi edhe ngjarja e rëndë në të cilën mbeti i plagosur edhe kolegut i Lenës, Preng Lleshi.

Për prokurorinë, vdekja e inspektor Selman Lenës dhe plagosja e Lleshit ndodhi nga përplasja e automjetit që po drejtohej me  shpejtësi nga i akuzuari. Gjykata e la ne arrest me burg Kolecin për akuzën e shkeljes së rregullave të qarkullimit rrugor.

Mesnatën e 4 Majit, Edmir Koleci po udhëtonte me automjetin e tij jashtë normave të lejuara në çastin kur një postbllok i policise së Kamzës tentoi ta ndalonte. Dosja për këtë ngjarje i kaloi Prokurorisë së Krimeve të Rënda për akuzën e vrasjes për shkak të cilësive të veçanta, por prokuroret shpallën moskopetencen për këtë dosje, duke ja kaluar një prokurorie të një shkalle më të ulët për gjykim.