Vendet e Mesdheut, bashkepunim per emergjencat civile

Tirane-Ne diten e dyte te takimit, te sherbimeve te mbrojtjes nga emergjencat civile te vendeve te Mesdheut, u diskutua per bashkepunimin rajonal ne perballimin e ketyre situatave. Programi per Parandalimin, Gatishmerine dhe Reagimin ndaj Fatkeqesive Natyrore dhe te Shkaktuara nga Njeriu (PPRD South), financohet nga Bashkimi Evropian. "Fatkeqesite teknologjike dhe zjarret masive", kane qene objekt i shkembimit te eksperiencave te ndersjella, duke ndikuar ne rritjen e bashkepunimit dhe koordinimit mes strukturave homologe te rajonit. Drejtori i Emergjencave Civile, Alfred Olli, paraqiti reformat dhe transformimet qe vendi yne dhe Sherbimi i Mbrojtjes Civile, ka shenuar ne vitet e fundit, me qellim krijimin e nje strukture profesionistesh, te afte dhe te mirestervitur per t'u perballur me situata emergjente te ndryshme. Ky sherbim ka konsistuar gjithashtu, ne rritjen e sigurise se qytetareve dhe ne zvogelimin e rreziqeve teknologjike, natyrore dhe te shkaktuara nga njeriu. Ne seminar, i cili perfundon te premten, marrin pjese perfaqesues te autoriteteve te mbrojtjes civile nga 14 vende te Ballkanit dhe Mesdheut dhe perfaqesues te ministrive te ndryshme, veprimtaria e te cilave, perfshin edhe marrjen e masave per perballimin e fatkeqesive natyrore dhe emergjencave civile.