Vendet vakante në KQZ, sot priten debate në Kuvend

Parlamenti pritet të përfshihet sot nga debate të ashpra për shkak të situatës së krijuar në Komisionin Qendor të Zgjedhjeve.

Largimi i djeshëm i Albana Shtyllës, krijoi dy vende vakant në KQZ, në një kohë kur procesi për përgatitjet e zgjedhjeve të 23 qershorit ka hyrë në një pikë kritike.

Kryetarja e Parlamentit i kërkoi dje kreut të grupit parlamentar të Partisë Socialiste të sjellë në Kuvend brenda 48 orëve dy propozimet e reja, por nga selia rozë nuk ka ende asnjë shenjë për zëvendësimin e Bibës dhe Shtyllës.

Grupi socialist do të mblidhet rreth orës 09:00 të mëngjesit të sotëm për të vendosur për qëndrimin gjatë seancës së paradites.