Vendoret abuzojne me ndihmen ekonomike
Hiqen nga skema e ndihmes ekonomike 5 000 familje. Te dhenat vijne nga Sherbimi Social Shteteror. Nga sa bejne me dije kreret e ketij sherbimi abuzimet me skemen e ndihmes ekonomike jane evidentuar pothuajse ne te gjitha rrethet e vendit. Pergjegjesine kryesore per abuzimet me skemen drejtuesit e SHSSH-se ia kane hedhur organeve te qeverisjes vendore. Jane kryer gjithsej 416 inspektime dhe jane verejtur 5045 familje te cilat perfitonin ne menyre abuzive para nga skema e ndihmes ekonomike. Vendimmarrjen per familjet qe perfitojne ne skemen e ndihmes ekonomike e kane keshillat vendore. Jane organe kolegjiale te cilat nuk mund ti ndjekesh penalisht. Ne kemi ndjekur edhe politika ekstreme deri ne bllokimin e fondeve per disa njesi vendore por keto bllokime nuk mund ti zgjasim ne kohe thote kreu i SHSSH-se Mihal Naco. Sipas tij keto organe duhet te marrin masa per te mos lejuar abuzimet. E vetmja mase deri tani kane qene shkarkimet nga puna apo dhe paralajmerimet tha Naco. Aktualisht ne skemen e ndihes ekonomike jane rreth 96 mije familje ne te gjithe vendin. Sa here kryhen inspektime zbulohen qindra familje qe e perfitojne ndihmen nga shteti ne menyre te padrejte. Ky abuzim behet jo vetem ne dem te shtetit por edhe te atyre familjeve qe vertet duhet te perfitojne me shume nga kjo skeme.