Venezuele vriten dy anetare te opozites

Dy mbështetës të opozitës janë vrarë në Venezuelë, një javë para zgjedhjeve presidenciale, që mendohen shumë të rëndësishme pas 14 vjetësh që postin e presidentit e mban Hugo Çavez. Ky është episodi më i rëndë i dhunës që nga fillimi i një fushata elektorale shumë të ndezur në një vend ku armët janë në duart e popullatës civile dhe ky niveli i kriminalitetit ka arritur majat. Ndërkohë që Henrike Kapriles ka reduktuar dhe diferencën nga lideri i revolucionit bolivian. Me një vizion qendror dhe liberal të politikës, përfaqësuesi i partisë Drejtësia e Parë, 40 vjeç, akuzon Cavez, një nga liderët më të kritikuar në botë, se bën premtime të rreme dhe se po shpërdoron burimet e naftës në vend. Cavez është treguar më i ashpër duke ofenduar rivalin e tij politik, dhe duke këmbëngulur se është shëruar nga tumori që e kishte goditur, duke u shprehur i vendosur për të marrë një mandat të ri prej gjashtë vjetësh. Por duke u bazuar në sondazhet, edhe pse deri diku kundërshtojnë njëri tjetrin, fitorja e tij në 7 tetor nuk duket dhe aq e sigurt. Investitorët e huaj shpresojnë që ai të humbasë, për ti dhënë fund kështu radikalizimit të pushtetit të tij, dhe që ka premtuar edhe më shumë socializëm në rast se do të rizgjidhet.