Vërshime në Australi, mijëra të evakuuar

Mijëra asutralianë janë detyruar që të evakuohen nga shtëpitë e tyre në veri-perëndim të Sidneit dhe vendet tjera në shtetin e Uellsit të Ri të Jugut, ndërsa shira të rrëmbyeshëm kanë bërë që të vërshojnë lumenjtë dhe kanalet ujore.

Autoritetet thanë se janë evakuuar 3 500 persona, përderisa 75 për qind e shtetit është prekur nga vërshimi.

Sipas tyre më të prekurat janë zonat rurale afër qytetit Riçmond.

Autoritetet thanë se të reshura të mëdha ka pasur në tri ditët e kaluara dhe ato pritet të vazhdojnë edhe në ditët e ardhshme.