“Vetëvendosje” do të marrë pjesë në zgjedhje
Lëvizja “Vetëvendosje” ka marrë vendim që të garojë në zgjedhjet e ardhshme parlamentare në Kosovë, por thotë se nuk do të shndërrohet në subjekt politik.
Vendimi vjen në pesëvjetorin e themelimit të kësaj lëvizjeje, e cila deri më tani është faktorizuar duke organizuar demonstrata dhe aksione të tjera.
Në një konferencë për gazetarë, lideri i kësaj lëvizjeje, Albin Kurti, tha se vendimi për të qenë pjesë e zgjedhjeve parlamentare ka ardhur pas diskutimit të brendshëm pesëmujor nëpër qendrat e “Vetëvendosjes” lidhur me përparësitë dhe mangësitë, dobitë dhe dëmet e këtij vendimi.
“Kemi vendosur në parim, për pjesëmarrje në zgjedhje, në të ardhmen. Pra, përveç që tashmë nuk e përjashtojmë mundësinë e pjesëmarrjes, po ashtu mendojmë ta shfrytëzojmë këtë mundësi”, ka thënë Kurti, transmeton KosovaPress.
Kurti ka vlerësuar se ndryshimi i strategjisë së lëvizjes nuk është zëvendësim i mënyrave të veprimit, por shtim i aktiviteteve të saj dhe se pjesëmarrja në zgjedhjet e ardhshme do të ndodhë vetëm në rast se rrethanat në Kosovë ndryshojnë rrënjësisht.
“Lëvizja ‘Vetëvendosje’ merr pjesë në zgjedhjet e vitit të ardhshëm vetëm nëse rrethanat në Kosovë cilësisht ndryshojnë shumë, duke u bërë të jashtëzakonshme e krejtësisht të tjera. Ky ndryshim i strategjisë sonë nuk është zëvendësim i mënyrave të veprimit, por shtim i tyre...Ne jemi të bindur që në Kosovë duhet të ndërrohet pushteti. Ky ndërrim i pushtetit nuk duhet të jetë për hir të ndërrimit të pushtetarëve, por për hir të ndërrimit të karakterit të shtetit të Kosovës”, ka theksuar Kurti.
Duke vlerësuar se Lëvizja “Vetëvendosje” deri më tani në të shumtën e rasteve e ka zvogëluar dhe e ka ngadalësuar të keqen, Kurti ka shfaqur bindjen e tij për përkrahje masive nga qytetarët gjithandej në Kosovë.
Për më tepër, ai ka theksuar se qytetarët e Kosovës nuk duhet të kenë frikë nga pjesëmarrja e kuadrove të reja në skenën politike dhe se “Vetëvendosje” në vazhdimësi do të mundohet të ndërrojë rrjedhën e zhvillimeve në vend.
Ai ka shfaqur zotimet e tij për integrimin e Kosovës në Bashkimin Evropian dhe për partneritet të plotë të vendit me faktorët ndërkombëtarë.
“Ne nuk jemi kundër bashkësisë ndërkombëtare, por nuk duam që bashkësia ndërkombëtare të sundojë në shtëpinë tonë. Ne duam partneritet me bashkësinë ndërkombëtare, ashtu siç kanë edhe shtetet normale. Nëse mbesim në gjendjen e nënshtrimit dhe të servilitetit siç është tani, ne nuk do të mund të përparojmë”, vlerësoi Kurti.
I pyetur nëse vendimi i “Vetëvendosjes” për të marrë pjesë në zgjedhjet e ardhshme do të mund të ndikonte në intensifikimin e përndjekjes ndaj udhëheqësit të saj, Kurti ka thënë se nuk do të mund të komentojë një gjë të tillë, pasi sipas tij këtë gjë, mund të dijë vetëm misioni EULEX.
Sipas Kurtit, do të mund të thuhej se Kosova gëzon të drejtën për vetëvendosje, vetëm kur do të flitej për bashkim kombëtar.
Vendimi vjen në pesëvjetorin e themelimit të kësaj lëvizjeje, e cila deri më tani është faktorizuar duke organizuar demonstrata dhe aksione të tjera.
Në një konferencë për gazetarë, lideri i kësaj lëvizjeje, Albin Kurti, tha se vendimi për të qenë pjesë e zgjedhjeve parlamentare ka ardhur pas diskutimit të brendshëm pesëmujor nëpër qendrat e “Vetëvendosjes” lidhur me përparësitë dhe mangësitë, dobitë dhe dëmet e këtij vendimi.
“Kemi vendosur në parim, për pjesëmarrje në zgjedhje, në të ardhmen. Pra, përveç që tashmë nuk e përjashtojmë mundësinë e pjesëmarrjes, po ashtu mendojmë ta shfrytëzojmë këtë mundësi”, ka thënë Kurti, transmeton KosovaPress.
Kurti ka vlerësuar se ndryshimi i strategjisë së lëvizjes nuk është zëvendësim i mënyrave të veprimit, por shtim i aktiviteteve të saj dhe se pjesëmarrja në zgjedhjet e ardhshme do të ndodhë vetëm në rast se rrethanat në Kosovë ndryshojnë rrënjësisht.
“Lëvizja ‘Vetëvendosje’ merr pjesë në zgjedhjet e vitit të ardhshëm vetëm nëse rrethanat në Kosovë cilësisht ndryshojnë shumë, duke u bërë të jashtëzakonshme e krejtësisht të tjera. Ky ndryshim i strategjisë sonë nuk është zëvendësim i mënyrave të veprimit, por shtim i tyre...Ne jemi të bindur që në Kosovë duhet të ndërrohet pushteti. Ky ndërrim i pushtetit nuk duhet të jetë për hir të ndërrimit të pushtetarëve, por për hir të ndërrimit të karakterit të shtetit të Kosovës”, ka theksuar Kurti.
Duke vlerësuar se Lëvizja “Vetëvendosje” deri më tani në të shumtën e rasteve e ka zvogëluar dhe e ka ngadalësuar të keqen, Kurti ka shfaqur bindjen e tij për përkrahje masive nga qytetarët gjithandej në Kosovë.
Për më tepër, ai ka theksuar se qytetarët e Kosovës nuk duhet të kenë frikë nga pjesëmarrja e kuadrove të reja në skenën politike dhe se “Vetëvendosje” në vazhdimësi do të mundohet të ndërrojë rrjedhën e zhvillimeve në vend.
Ai ka shfaqur zotimet e tij për integrimin e Kosovës në Bashkimin Evropian dhe për partneritet të plotë të vendit me faktorët ndërkombëtarë.
“Ne nuk jemi kundër bashkësisë ndërkombëtare, por nuk duam që bashkësia ndërkombëtare të sundojë në shtëpinë tonë. Ne duam partneritet me bashkësinë ndërkombëtare, ashtu siç kanë edhe shtetet normale. Nëse mbesim në gjendjen e nënshtrimit dhe të servilitetit siç është tani, ne nuk do të mund të përparojmë”, vlerësoi Kurti.
I pyetur nëse vendimi i “Vetëvendosjes” për të marrë pjesë në zgjedhjet e ardhshme do të mund të ndikonte në intensifikimin e përndjekjes ndaj udhëheqësit të saj, Kurti ka thënë se nuk do të mund të komentojë një gjë të tillë, pasi sipas tij këtë gjë, mund të dijë vetëm misioni EULEX.
Sipas Kurtit, do të mund të thuhej se Kosova gëzon të drejtën për vetëvendosje, vetëm kur do të flitej për bashkim kombëtar.