Vijon operacioni "Lazarati" ne Gjirokaster
Gjirokaster- Policia perfundon diten e dyte te operacionit ne komunen Lazarat, per te zbuluar parcelat e hashashit te mbjella nga banoret. Pas dy lagjeve te para te fshatit "rebel", diten e djeshme per kater ore me radhe jane kontrolluar siperfaqet e tokes dhe shtepite e lagjes "Lenxate" dhe lagjen e "Bregut" ne kete komune. Forcat e Policise se Gjirokastres, te drejtuara nga zv/drejtori Adriatik Tafciu, kryen sherbimin e radhes ne komunen Lazarat, ndersa pjese e grupit ka qene edhe kryetari i komunes, Dasho Aliko. Prezent ne kete aksion, kane qene edhe gazetaret e medieve te ndryshme. "Forcat e policise kane kontrolluar te gjitha bahcet dhe oborret e ketyre banesave ne te dy lagjet e fshatit. Gjate aksionit nuk jane konstatuar parcela te mbjella me bime narkotike", tha zedhenesi Gentjan Mullai. Sic shihet dhe ne fotot perbri, forca te shumta policie kane inspektuar cdo banese dhe parcele, ndersa nuk eshte shenuar asnje incident mes uniformave blu dhe banoreve. Me dy lagjet e djeshme, shkon ne kater numri i zonave te kontrolluara dhe ne 700 numri i shtepive te inspektuara. Diten e sotme pritet te perfundoje kontrolli edhe ne dy lagjet e mbetura te Lazaratit.