Viti 2012, pa kamp veror në Utoja

Sulmi në ishullin Utoja, ende ka efektet negative. Krahu i të rinjve i Partisë së Punës së Norvegjisë, ka hequr dorë nga kampi tradicional veror në Utoja, në të cilin vitin e kaluar u qëlluan për vdekje 69 njerëz.

Lideri i të rinjve, Eskil Pederson, ka deklaruar se organizata do të mbajë mbledhje për viktimat në përvjetorin e masakrës më 22 korrik. Tradita e kampit veror që daton që nga viti 1950, do të vazhdojë në të ardhmen.

Ekstremisti i krahut të djathtë, Anders Behring Breivik, ka pranuar se ka kryer masakrën në Utoja, sikurse edhe shpërthimet ne Osllo, nga të cilat vdiqën tetë njerëz.