Vizat Krasniqi Pas nentorit hapet rruga per Kosoven

Pas raportit te ardhshem te progresit qe pritet te dorezohet ne fillim te nentorit te ketij viti per Kosoven do te konkretizohet rruga e liberalizimit te vizave.

Keshtu ka deklaruar ushtruesi i detyres se presidentit te vendit Jakup Krasniqi pas takimit me ambasadorin e Shqiperise ne NATO Artur Kuko.

Krasniqi ka pergezuar shtetin shqiptar per liberalizimin e vizave duke vleresuar lart vendimin e Parlamentit Evropian per perfshirjen e Shqiperise dhe te Bosnjes ne kete proces.

Ai ka shfaqur shpresen qe edhe Kosova si vendi me i vogel i Ballkanit te behet pjese e vendeve ballkanike dhe evropiane ne procesin e liberalizimit te vizave. Nderkaq ambasadori i Shqiperise ne NATO Artur Kuko ka theksuar se Brukseli i ndjek me vemendje zhvillimet ne Kosove dhe progresin e institucioneve shteterore sidomos te Policise se Kosoves dhe FSK-se.

Sipas tij edhe situata ne Veri te Kosoves eshte duke u ndjekur me interes. Te gjithe vezhguesit nderkombetare qofshin te Bashkimit Evropian apo te NATO-s fokusohen ne veri te Kosoves duke e vleresuar si nje situate problematike e cila duhet adresuar ne menyre te koordinuar nga autoritetet e Kosoves ne bashkepunim me komitetin nderkombetar ka thene Kuko.