Vllaznia synon pikët e para në transfertëKuqeblutë kanë statistika të errëta në katër përballjet jashtë “Loro Boriçit”: 4 ndeshje, 4 humbje, asnjë gol i shënuar, 6 gola të pësuar

Rrjetet sociale:

Vllaznia, klubi i vetëm i rretheve me më shumë trofe në Shqipëri (9 tituj kampionë, 6 Kupa të Shqipërisë), synon të tregojë në transfertën e Laçit, se dy fitoret rresht, ajo kundër Shkumbinit në kampionat (2-0) dhe Tomorit në Kupë (0-4), nuk ka qenë të rastësishme nën drejtimin e Roland Luçit, edhe pse ato lidhen ngushtësisht me emrin e “baby” Bala, autor i pesë nga gjashtë golat e realizuar nga nënkampionët e sezonit të kaluar.

Të grumbulluar në Lezhë e me një formacion të plotë në dispozicion, sipas zëdhënësit të klubit shkodran, pasuesi i Hasan Likës, Roland Luçi, duket se ka gjetur formulën e suksesit, pikërisht rimotivimin e skuadrës dhe rigjetjen e dëshirës për të fituar.

Përballë Laçit të vendit të fundit, por me ambicie për pikë të plota ndaj shkodranëve, Vllaznia do të tentojë fort të marrë pikët e para në transfertë, teksa kuqeblutë kanë statistika të errëta në katër përballjet jashtë “Loro Boriçit”: 4 ndeshje, 4 humbje, asnjë gol i shënuar, 6 gola të pësuar.

Kategoria Superiorë
Java e 8-të

Të shtunën, 24 tetor
14:30 Laçi-Vllaznia
14:30 Gramozi-Kastrioti
14:30 Tirana-Teuta

Të dielën, 25 tetor
13:00 Skënderbeu-Dinamo
14:30 Flamurtari-Shkumbini

Të hënën, 26 tetor
14:30 Besa-Apolonia

RENDITJA

1        Dinamo          7      19
2       Besa         7     17
3       Apolonia     7     15
4       Teuta         7     12
5       Skënderbeu     7     9
6       Kastrioti     7     8
7       Tirana         7     8
8       Shkumbini     7     7
9       Vllaznia     7     7
10       Gramozi         7     6
11       Flamurtari     7     6
12       Laçi         7     5
Numri i klikimeve - 1350
  E Premte, 23 Tetor 2009