Vlora Çitaku rikthehet në garë, PDK e propozon për nënkryetaren e Kuvendit

Partia Demokratike e Kosovës ka konfirmuar kandidaturën e Vlora Çitakut për postin e nënkryetares së Kuvendit të Kosovës.

Çitaku rikthehet kështu në garë në seancën konstituive të Kuvendit, ku në rend dite janë edhe zgjedhja e kryetarit dhe nënkryetarëve.

PDK ka vendosur që Vlora Çitaku të jetë kandidatja e saj për nënkryetare të Kuvendit të Kosovës.

Kandidatura është konfirmuar nga zyra për informim e PDK-së, ndërsa ishte bërë e ditur më herët edhe nga kryetari i partisë, Bedri Hamza.

Seanca konstituive e Kuvendit zhvillohet sot dhe në rendin e ditës janë zgjedhja e kryetarit dhe nënkryetarëve të Kuvendit.

Vlora Çitaku, deputete e PDK-së dhe ish-ambasadore e Kosovës në Shtetet e Bashkuara, është rikthyer kështu në garë për një nga postet drejtuese të Kuvendit.