Vlorë, kapet me 37.5 gr kanabis, në pranga 20-vjeçari

Një 20-vjeçar është arrestuar nga policia e Vlorës pasi është kapur me një sasi prej 37.5 gramë kanbis sativa.

Burime nga policia bëjnë me dije se është arrestuar Andi Dede 20 vjeç pasi gjatë kontrollit të ushtruar në automjetin e tij me targa GG 657 BP i është gjetur edhe sasia e drogës.
 

Sipas policisë automjeti do të imbarkohej për në tragetin e linjës Vlorë-Brindisi ndërsa droga është gjetur brenda një kapaku syzesh.
 

Ndërkohë materialet në ngarkim të 20-vjeçarit për veprën penale "Trafikimi i narkotikëve" i kanë kaluar prokurorisë për hetime të mëtejshme.