Vodafone Albania mbështet koncertin e radhës të sezonit Klasik

Sot në ora 19.00,  pranë sallës së Akademisë së Arteve në Tiranë, publiku do të ketë mundësinë të ndjekë koncertin e radhës të edicionit të 10 të sezonit koncertor ndërkombëtar  Klasik. Me mbështetjen e vazhdueshme të kompanisë celulare Vodafone Albania, nën kujdesin e delegacionit të Bashkimit Europian në Tiranë, Institutit Italian të Kulturës, Ambasadës Italiane dhe Akademisë së Arteve, Klasik do të sjellë për të gjithë artdashësit një koncert

kuinteti nën interpretimin e  Neofonia Ensemble. Grupi  Neofonia Ensemble do të luaj pjesë nga muzika e Astor Piazzolla, si dhe nga albumi i tyre Concierto para Quinteto përfshirë  këtu, Vuelvo al sur, Michelangelo 70, Oblivon, Chador etj. Neofonia Ensemble është formuar si grup në vitin 1994 dhe drejtohet nga Gianni Mola. Ky grup konsiderohet nga kritika si një nga grupet muzikore italiane me repertorin më impenjiativ. Neofonia Ensemble ka bashkëpunuar me një nga zërat më autentik të Amerikës së Jugut, i mirënjohuri Astor Piazzolla. Ky bashkëpunim i ka dhënë një tjetër dimension muzikës së tyre. Ky grup kuinteti ka fituar çmimin ndërkombëtar  Piazzolla në 1996, ndërsa në 1995 arriti të fitonte vendin e dytë të edicionit. Neofonia Ensemble performon shpesh në emisionet e RAI dhe ka marrë pjesë në evenimente të ndryshme kombëtare dhe ndërkombëtare. Pas koncertit në Tiranë, Neofonia Ensemble do të vazhdoj turneun e tij në Madrid, Budapest, Paris, New York, Kili, Buenos Aires dhe Argjentinë. Albumi Concierto Para Quinteto, pjesë nga i cili do të performohet live për kënaqësinë e publikut shqiptar, është albumi i dytë i tyre. Vodafone Albania vijon të jetë një nga mbështetësit më besnik të artit dhe muzikës në vend, duke i ofruar publikut shqiptar emocione dhe kënaqësi të njëpasnjëshme.