Vrasja e shtatzenes, dyshohet inspektori i krimeve
Ornela Hila
Familjaret e Enkelejda Ismailit, 21-vjecares, qe u gjet e vrare dy dite me pare ne bregdetin e Jonufres, kane ngritur gishtin mbi ish-te dashurin e vajzes se tyre, qe mendohet te jete babai i foshnjes, qe viktima mbante ne bark. Eqerem dhe Qefnije Ismaili jane marre ne pyetje per ore te tera mbreme, pas funeralit te vajzes. Ata kane treguar se vajza e tyre kishte pasur nje te dashur qe eshte inspektor i policise kriminale ne Komisariatin e Policise se Vlores. Ata kane thene se Enkelejda nuk kishte pranuar te abortonte dhe kjo mund te kete bere qe ish-i dashuri, punonjes i policise, te kete vrare 21-vjecaren.
Prinderit e viktimes Enkelejda Ismailaj kane thene qarte mbreme se dyshimet e tyre bien mbi oficerin e policise kriminale me iniciale R.S. Emri i tij eshte perseritur disa here nga Eqerem dhe Qefnije Ismaili, te cilet kane treguar se efektivi i policise kishte bashkejetuar per me shume se nje vit me vajzen e tyre. Ata kane treguar se vajza kishte bere nje abort, rreth nje vit me pare, e detyruar nga oficeri i policise. Jo vetem kaq. Ata kane thene se kohet e fundit, oficeri i policise, njekohesisht babai i foshnjes gjashtemuajshe, qe Enkelejda mbante ne bark, ka kercenuar vajzen e tyre me jete, nese nuk abortonte per here te dyte.
Frika nga njeriu i veshur me autoritetin e shtetit, duket se ka detyruar edhe prinderit e 21-vjecares te heshtin. Prinderit e vajzes kane treguar se ne fillim te ketij muaji, ata kane shkruar nje leter drejtuar ministrit te Brendshem, ku do ta informonin ne lidhje me kercenimet e oficerit te policise. Por ajo leter nuk u postua kurre. Me lot ne sy, Eqerem dhe Qefnije Ismaili kane treguar se ata kishin frike nga kercenimet e efektivit te policise, ndersa mendonin se situata do te merrte nje rrugezgjidhjeje. Sipas prinderve, oficeri i policise, me iniciale R.S., i ka gjetur zgjidhje atesise se padeshiruar, duke vrare ish-te dashuren dhe djalin e tij qe ajo mbante ne bark. Nderkohe, mesohet se policia ka sekuestruar disa foto te 21-vjecares me oficerin e policise kriminale me iniciale R.S., dhe eshte ne pritje te rezultateve te ADN-se se foshnjes per t