Vrasja e trefishte asnje deshmitar per ngjarjen
Jane percjelle rreth mesdites per ne banesen e fundit trupat e pajete te babait dhe dy djemve te vrare mengjesin e 19 marsit ku mbeti e plagosur edhe gruaja e njerit prej tyre. Qindra qytetare trupat e pajete te Emin Mahmutit dhe dy djemve te tij Xhelalit 47 vjec dhe Pellumbit 35 vjec. Ne funeral kane marre pjese te aferm perfaqesues te shumte te komunitetit cam.
I vetmi nga pushtetaret ka qene deputeti i ardhshem ne liste Aurel Bylykbashi te pakten sipas deshmive te pjesemarresve ne varrim. Tragjedia ne familjen Mahmuti eshte percjelle me shume dhimbje nga te afermit e ngushte por edhe nga banoret e lagjes te cilet e respektonin mjaft dhe thone fjalet me te mira per ta. I vetmi qe mbetet larg kesaj tragjedie eshte djali i mesem Andon Zenel Mahmuti i cili akuzohet per krime dhe ndaj te cilit rendon edhe shkaku i kesaj hakmarrjeje tragjike mbi tre familjaret e tij.
Nderkohe mesohet se nuk ka qene e pranishme gjate varrimit edhe nusja e shtepise Myzejen Qosja e cila ne momentin e percjelljes se trupave i eshte nenshtruar nje tjeter operacioni per heqjen e plumbit ne qafe ne Spitalin Ushtarak te Tiranes. Mjeket kane deklaruar pas ketij operacioni se gruaja eshte jashte rrezikut per jeten.
Rrethi i hetimeve behet i veshtire per hetuesit per shkak se pista e hakmarrjes e ngritur per kete krim te trefishte eshte shume e gjere. Hetuesit kane shoqeruar persona me nje lidhje te mundshme me ngjarjet per te cilat dyshohet hakmarrja. Nuk eshte perjashtuar versioni i vrasesit me pagese. Sipas te dhenave jane pak prova te cilat jane mbledhur ne vendin e ngjarjes. Mesohet se as deshmitari i vetem i ngjarjes gruaja e mbetur gjalle nuk mund te shtoje asnje detaj per ngjarjen pasi nuk ka arritur te shohe autorin. Gjithcka mbetet nje enigme dhe pa autore. Gjithashtu policia ka intensifikuar kerkimet edhe per te vetmin person te mbetur gjalle nga kjo familje Zeneli i njohur edhe si Nel ami i cili eshte ne listen e te kerkuarve nderkombetare.
Nga te dhenat me te fundit te shoqeruar ne polici jane mbi 15 veta te cilet jane marre ne pyetje nga oficeret e policise ne bashkepunim te ngushte me prokurorine e rrethit gjyqesor Elbasan. Drejtuesit e policise jane duke kontrolluar alibite e tyre si dhe mundesine e lidhjes me krimin e trefishte. Te shoqeruarit jane kontingjent por edhe te aferm te lidhur me krimet per te cilat dyshohet te jete autor Nel ami.