Vrasja ne Podgorie, burg pa afat per "Rambon"

Gjykata e Korces ka lene ne burg pa afat autorin e vrasjes ne fshatin Podgorie. Reshit Adri ka dale para togave te zeza per masen e sigurise, pas arrestimit te tij nga policia dhe forcat RENEA.

Seanca e pare eshte zhvilluar me dyer te mbylluara me kerkese te gjyqtarit Markeljan Kuqo. Ne kete mase sigurie avokati i te pandehurit ka kerkuar shqyrtimin e ekzaminimit psiqik te Reshit Adrit per shkak se paraqet crregullime mendore.

Sipas avokatit Sotiraq Ceta qe ne daten 12 nentor kur ka ndodhur vdekja e djalit te Reshit Adrit ky i fundit ka marre trajtime me valium dhe ka shfaqur shenja depresioni.

Gjykata ka vendosur masen e sigurise te arrestit me burg pa afat ndaj te pandehurit me akuzen e vrasjes ne rrethana cilesuese kunder dy ose me shume personave.

Edhe gjate seances Adri ka shfaqur probleme te crregullimit mendor me pretendimin se vrasjen e ka bere per hakmarrje ne emer te djalit dhe se inati i tij ka qene kunder gjithe fshatit per shkak se ai i konsideron si shkaktare per nxitjen e vetvrasjes se te birit.