Vritet pranë zyrave ndërtuesi Ikmet Kotorri, babai i 3 fëmijëve
TIRANË - Vritet me armë zjarri në Tiranë ndërtuesi Ikmet Kotorri. Ngjarja ka ndodhur rreth orës 22.30 të mbrëmjes së djeshme në rrugën “Ali Visha”, pranë zyrave të kompanisë së tij, në pallatin e ndërtuar nga vetë viktima.
Sipas burimeve nga policia, një nga pistat e hetimit mund të jenë konfliktet e tij për çështje pronësie, por të kontaktuar në telefon nga gazeta, përfaqësues të kompanisë “Kotorri – SL sh.p.k.”, që drejtohej nga i ndjeri, thonë se ai s’ka pasur konflikte me askënd dhe kanë mbetur të befasuar nga lajmi.
Menjëherë në vendngjarje kanë mbërritur forcat e policisë, drejtori Bernard Çaushaj, por ende nuk dihet asgjë për autorët e vrasjes. Ikmet Kotorri 45 vjeç është babai i tre djemve. Mësohet se viktima ka qenë duke dalë nga shtëpia në momentin që persona të paidentifikuar i kanë dalë para dhe e kanë qëlluar 4 herë me pistoletë.
Ai themeloi në Tiranë në vitin 2008 kompaninë “Kotorri – SL sh.p.k.”, e cila erdhi nga një eksperiencë shumëvjeçare në fushën e ndërtimit si ortak edhe në dy shoqëri të tjera “Hapsira-X” sh.p.k. dhe “Destaxhei” sh.p.k. që prej vitit 2005. Policia bën me dije se para disa kohësh i është vendosur eksploziv në makinë ortakut të viktimës.
Me hetimet e çështjes po merret prokurori i gatshëm Adriatik Cami ndërsa disa persona janë shoqëruar në polici për të dhënë dëshmi mbi ngjarjen.
Tiranë, atentat me armë zjarri biznesmenit të ndërtimit pranë shtëpisë së tij
Ora 22:30/e diel Një ngjarje e rëndë ndodhi gjatë orëve të vona të ditës së diel pranë rrugës ‘Ali Visha’ në Tiranë. Një person është qëlluar me armë zjarri pranë banesës së tij, në rrethana ende të paqarta.
Viktima është identifikuar nga policia si Ikmet Kotorri, biznesmen ndërtimi. Mësohet se I.Kotorri ka humbur jetën rrugës për në spital.
Policia ka mbërritur pranë vendit të ngjarjes, duke nisur menjëherë punën për zbardhjen e saj, po hetohet në disa pista. Policia ka shoqëruar disa persona për të zbardhur vrasjen.
(a.k/BalkanWeb)
Sipas burimeve nga policia, një nga pistat e hetimit mund të jenë konfliktet e tij për çështje pronësie, por të kontaktuar në telefon nga gazeta, përfaqësues të kompanisë “Kotorri – SL sh.p.k.”, që drejtohej nga i ndjeri, thonë se ai s’ka pasur konflikte me askënd dhe kanë mbetur të befasuar nga lajmi.
Menjëherë në vendngjarje kanë mbërritur forcat e policisë, drejtori Bernard Çaushaj, por ende nuk dihet asgjë për autorët e vrasjes. Ikmet Kotorri 45 vjeç është babai i tre djemve. Mësohet se viktima ka qenë duke dalë nga shtëpia në momentin që persona të paidentifikuar i kanë dalë para dhe e kanë qëlluar 4 herë me pistoletë.
Ai themeloi në Tiranë në vitin 2008 kompaninë “Kotorri – SL sh.p.k.”, e cila erdhi nga një eksperiencë shumëvjeçare në fushën e ndërtimit si ortak edhe në dy shoqëri të tjera “Hapsira-X” sh.p.k. dhe “Destaxhei” sh.p.k. që prej vitit 2005. Policia bën me dije se para disa kohësh i është vendosur eksploziv në makinë ortakut të viktimës.
Me hetimet e çështjes po merret prokurori i gatshëm Adriatik Cami ndërsa disa persona janë shoqëruar në polici për të dhënë dëshmi mbi ngjarjen.
Tiranë, atentat me armë zjarri biznesmenit të ndërtimit pranë shtëpisë së tij
Ora 22:30/e diel Një ngjarje e rëndë ndodhi gjatë orëve të vona të ditës së diel pranë rrugës ‘Ali Visha’ në Tiranë. Një person është qëlluar me armë zjarri pranë banesës së tij, në rrethana ende të paqarta.
Viktima është identifikuar nga policia si Ikmet Kotorri, biznesmen ndërtimi. Mësohet se I.Kotorri ka humbur jetën rrugës për në spital.
Policia ka mbërritur pranë vendit të ngjarjes, duke nisur menjëherë punën për zbardhjen e saj, po hetohet në disa pista. Policia ka shoqëruar disa persona për të zbardhur vrasjen.
(a.k/BalkanWeb)