Vuçiq: Serbia do të hetojë sulmin në veri të Kosovës

Presidenti i Serbisë, Aleksandër Vuçiq ka deklaruar se Beogradi do të hetojë sulmin në manastirin e Banjskës, në veri të Kosovës ku mbeti i vrarë rreshteri Afrim Bunjaku dhe ku u eliminuan 3 agresorë serbë.

Vuçiq ka mohuar përfshirjen e Serbisë në sulmin e grupeve terroriste serbe në veri të Kosovës.

Sipas tij, Beogradi e dënon vrasjen e policit dhe shtoi se Serbia do të “fillojë procedurën para organeve kompetente gjyqësore” dhe do të hetojë të dyshuarit, pasi rreshteri i Policisë së Kosovës dhe 3 serbë u vranë të dielën pranë manastirit të Banjskës.

“Cilat janë ato krime të dyshimta, kjo është një pyetje e prokurorit”, tha Vuçiq dhe akuzoi policinë e Kosovës për vrasjen e njërit prej serbëve me plumb në kokë.

/rtsh.al/