Vuçiq: Çfarëdo zgjedhje për Kosovën do të jetë e vështirë

Nënkryetari i parë i Qeverisë së Serbisë dhe Ministër i Mbrojtjes Aleksandër Vuçiq ka deklaruar se çfarëdo të jetë zgjidhja për Kosovën, do të jetë e rënd, megjithatë Serbia do të mundohet të fitojmë sa më shumë që është e mundshme për popullin e saj.

”Do të mundohemi të fitojmë sa më shumë që është e mundshme për popullin tonë, e të humbim më pak që mundemi”, ka deklaruar Vuçiq,për gazetën “VeçernjeNovosti”.

Ai ka thënë se nuk dëshiron të flas për modelet konkrete, por thotë se janë dy-tri propozime për konceptim teknik të platformës.

“Do të shohim nëse opinionit do t’ia zbulojmë tërë dokumentin apo vetëm kornizat. Me siguri se do të kemi një qasje më realiste ndaj çështjes së Kosovës, por nënkuptohet se nuk do të heqim dorë nga kushtetuta”, ka thënë Vuçiq.

Në çështjen e Kosovës, sipas tij, me siguri askush nuk do të fitojë pikë politike në Serbi.

“Përkundrazi. Kurse pushteti përpara nesh ka menduar vetëm për hulumtimet e opinionit dhe e ka sjellë vendin në pozicionin më të vështirë të mundshëm”, ka thënë nënkryeministri serb./Kosovapress/.