“Vula e PD-së”, Apeli i Tiranës rrëzon kërkesën e Alibeajt, për të përjashtuar nga gjykimi i çështjes gjyqtaren, Irida Kacerja
Gjykata e Apelit e Tiranës ka rrëzuar kërkesën e PD-së të drejtuar nga kryetari i grupit parlamentar të kësaj partie, Enkeljed Alibeaj, për të përjashtuar nga gjykimi i çështjes së statutit të PD-së, gjyqtaren Irida Kacerja.
Betja ligjore se kush ka të drejtë ligjërisht të përfaqësojë Partinë Demokratike, njohu pak ditë më parë një zhvillim tjetër, kur në Gjykatën e Apelit u zhvillua seanca për statutin e Partisë Demokratike.
Grupi i deputetëve të Alibeaj paraqiti fillimisht kërkesën për dorëheqjen e gjyqtares së çështjes, Irida Kacerja, me pretendimin se çështja mund të paragjykohet nga ana e saj.
Sipas tyre, Kacerja kërkoi në seancën e mëparshme të rregullonte prokurën e përfaqësimit, sipas statutit të PD-së.
Nga Gjykata e Apelit në Tiranë u bë e e ditur se ishte përfaqësuesi i PD, av. Rezart Kthupi, ai që paraqiti një kërkesë të nenshkruar nga Sekretari i Pergjithshëm i PD, Gazmend Bardhi, me të cilën u kërkua përjashtimi i gjyqtares relatore, Irida Kacerja.
Si shkak i përjashtimit u referua vendimi i ndërmjetëm i gjykatës, për të paraqitur autorizimin për përfaqësim, konform normave të statutit të PD. Gjyqtarja relatore nuk vleresoi se kishte shkaqe papajtueshmerie.
Gjykata e Apelit Tiranë, me vendim të ndërmjetëm, vendosi të shtyjë seancën për në date 17.01.2023, ora 9:00. Ndërkohë do të caktohej me short gjyqtari që do të shqyrtojë kërkesën për përjashtim.
Por sot Gjykata e Apelit e Tiranës ka rrëzuar kërkesën e PD-së të drejtuar nga Alibeaj, për të përjashtuar nga gjykimi i çështjes së statutit të PD-së, gjyqtaren Irida Kacerja.
/rtsh.al/