Wikileaks: Thaçi gjithmonë do të mbetet prapa Rugovës

Wikileaks ka zbuluar informacione të tjera për sa i përket raporteve të zyrtarëve amerikanë me ata kosovarë.
 

Në një dokument të radhës, ky rrjet ka publikuar vlerësimet e zyrtarëve amerikanë për politikanët kosovarë, e në veçanti dy liderët e dy partive më të mëdha, PDK e LDK.
 

Në një kabllogram të vitit 2001, shefi i asaj kohë i zyrës amerikane, John Menzies kishte folur me Departamentin amerikan për Rugovën e Thaçin.
 

“Fati i tij (Hashim Thaçi ) politik në Kosovë po bie. Kryetari i Lidhjes Demokratike të Kosovës (LDK), Ibrahim Rugova, ka rreth 12 vite në politikë dhe ka popullaritet në Kosovë. Thaçi gjithmonë do të mbetet prapa Rugovës i cili shihet se baba për shqiptarët e Kosovës”, raporton kabllogrami.