Wikileaks, të dhëna të 2 mijë klientëve të bankave zviceriane

Website Wikileaks, do të nxjerrë të dhënat e 2 mijë klientëve në bankat e Zvicrës, dhe mes tyre do të jenë emrat e 40 politikanëve. Ende nuk dihet se të kujt shteti i përkasin këta politikanë.

Të dhënat do të publikohen në Londër në Front line Club, ku do të jetë prezentë edhe themeluesi i këtij ueb site, Jualin Assange. Të dhënat nuk do të publikohen menjëherë.

Ish bankieri Rudolf Elmer, i cili do të japë të dhënat e Wikileaks, ka deklaruar se do të vlerësohen të gjitha informacionet dhe nëse do të ketë shenja të evazionit fiskal, atëherë ato do të shpërndahen.
 

Sipas tij, në listën e emrave të klientëve të bankave, ka shumë multi-milionerë, të nacionaliteteve të ndryshme. Gjenden gjithashtu të dhëna për shumë fonde të investimeve në shtete si Zvicra, SHBA, Gjermania dhe Britania e Madhe. Të dhënat vijnë nga të paktën tre insitucione financiare, nga vitet 1990 deri në vitin 2009.
 

Elmer, ish drejtori i bankës Julius Baer në ishujt Cayman, do të dalë përpara gjykatës në Zyrih të mërkurën për t`iu përgjigjur akuzave për dhunim të sekreteve bankar, pasi ka infromuar në 2007 Wikileaksin, lidhur me të dhënat e disa klientëve.
Ndërkohë Wikileaks, është zotuar se do të publikojë informacione të tjera, pavarësisht, proçesit gjyqësor të themeluesit të saj Julin Assange dhe sulmeve të ndryshme.