Ylli: Monitorim drastik, per te parandaluar epidemite
Sonila Isaku
Masat e marra nga Instituti i Shendetit Publik ne Shkoder jane drastike. Cdo dite kryhet monitorimi i ujit te pijshem, duke qene se ekziston mundesia e bashkimit te ujerave te bardha me ato te zeza. Por specialistet e shendetit publik, marrin ne pikat fundore por edhe ne depot e ujit, mostra te cilat analizohen. Deri me tani sipas drejtuesve te ISHP-se, kane qene vetem dy dyshime, ndersa per sa i perket mbulimit te zones se Shkodres me sherbime, ai eshte me i larte se zakonisht.
Situata
Aktualisht situata per specialistet e Institutit te Shendetit Publik paraqitet e qete, per sa i perket mundesise se shperthimit te ndonje epidemie. E vetmja mundesi per ta eshte bashkimi i ujerave te bardha me ato te zeza, ndaj kjo eshte edhe pika e cila ka edhe sherbimin me te madh. "Situata deri me tani eshte nen kontroll. Po behet nje monitorim drastik i ujit te pijshem, ku eshte edhe mundesia me e madhe e ndonje semundjeje. Por deri me tani nuk kemi asnje problem dhe se popullata e Shkodres nuk eshte ne rrezik per epidemi", eshte shprehur drejtori i Institutit te Shendetit Publik, Alban Ylli. Sipas tij, tashme ne vendin tone ka me pak persona te infektuar me grip derri, ndaj ne Shkoder edhe rreziku i perhapjes se A/H1N1 eshte me i ulet. "Tashme ISHP eshte ne gatishmeri ne Shkoder, ne informohemi ne kohe reale per cdo rast te shfaqjes se A/H1N1 atje", theksoi Ylli, i cili garantoi edhe per sherbime shendetesore ne te gjitha qendrat.
Poliklinikat
Qendrat shendetesore ne komunat e permbytura vazhdoje sherbimin ne 24 ore. Sipas Institutit te Sigurimeve dhe Kujdesit Shendetesor, sherbim pa nderprerje ka ne komunat Dajc, Berdice, Ana e Malit, Gur i Zi, Velipoje dhe Bushat. Ne te gjitha keto zona, sipas mjekeve, nuk ka rritje te semundshmerise ndersa vazhdon furnizimi me medikamente shtese per qendrat shendetesor sipas kerkesave. Nga ana tjeter vazhdon puna e 6 grupeve te levizshme te Drejtorise Rajonale te Sigurimeve Shendetesore Shkoder, te cilat jane duke monitoruar gjendjen shendetesore dhe nevojat ne komunitet ne zonat e permbytura. Keto grupe vazhdojne dezinfektimin e zonave sipas nevojes, si dhe furnizimin me dezinfektant te te gjitha qendrave shendetesore si dhe qendrave pritese. Nga Drejtoria e Shendetit Publik vazhdon puna me sherbimet mbeshtetese psikosociale.
Evakuimi
Banoret e evakuuar ne konviktet e shkollave te mesme, kane nisur te largohen drejt banesave te tyre. Ndersa gjate dites se djeshme nuk ka pasur asnje pacient te semure per t'u transportuar drejt qendrave shendetesore ne rast urgjence.