“You talkin’ to me”, Robert De Niro tregon si improvizioi një nga skenat më epike të kinematografisë

Robert De Niro zbuloi si ka lindur fraza legjendare «You talkin’ to me?» në filmin «Taxi Driver» të Martin Scorsese.

Gjatë një interviste në emisionin “Live with Kelly and Mark”, aktori 81-vjeçar theksoi se disa nga momentet më të mira në kinematografi janë ato që vijnë nga improvizimi spontan. Në “Taxi Driver”, De Niro luan rolin e taksistit të izoluar dhe të shqetësuar mendor, Travis Bickle, dhe kjo skenë është bërë një nga më të paharrueshmet në histori. Aktori tha se kjo frazë nuk ishte shkruar ashtu në skenar, por lindi spontanisht në atë moment.

Skena është një shembull i improvizimit dhe fleksibilitetit në krijimin e artit, veçanërisht me një regjisor si Martin Scorsese. Pothuajse 50 vjet pas filmit, kjo interpretim e De Niro vazhdon të ketë ndikim në kinematografi.

“Në atë moment u ndjeva e drejtë ta them këtë ”, shtoi aktori. “Kjo ndodhi spontanisht. Ti nuk e di se çfarë do të ndodhë. Kjo është pjesa argëtuese e punës, veçanërisht me dikë si Martin Scorsese. “Është bukur të jesh në gjendje të shkosh aty-këtu, të largohesh, duke ndjekur skenën ose drejtimin e historisë, por edhe të jesh në gjendje ta ndryshosh pak atë ”, shtoi ai.

Performanca e De Niros në filmin “Taxi Driver” i dha atij një nominim për një Oscar për aktorin më të mirë, megjithëse çmimi në fund i shkoi Peter Finch për rolin e tij në “Network”.

/vizionplus.tv