ZMK: Administrimi i banesave, skeme abuzuese
Zyra per Mbrojtjen e Konsumatoreve (ZMK) ka denoncuar dje publikisht skemen e Bashkise Tirane per manipulimin elektoral te administrimit te bashkepronesise ne ndertesat e banimit. Sipas kesaj zyre, ne baze te ligjit “Per administrimin e bashkepronesise ne ndertesat e banimit” dhe VKM “Per miratimin e rregullores tip te administrimit te bashkepronesise ne ndertesat e banimit”, tashme edhe qytetaret shqiptare do te kene mundesine dhe detyrimin qe te administrojne bashkerisht ne baze te standardeve evropiane banesat e tyre. Por, sipas ZMK, Bashkia e Tiranes eshte duke manipuluar politikisht procesin ne dem te banoreve. “Prej mese 1 muaji, Bashkia Tirane eshte duke ndertuar nje rrjet politik partiak per administrimin e banesave te perbashketa. Vetem para disa muajsh ne shkelje te plote te ligjit dhe te te drejtes se privatesise se qytetareve, njerezit e bashkise Tirane mblodhen te dhenat personale te qytetareve te Tiranes, gjoja ne emer te regjistrimit te qytetareve. Pasi u ndertua nje database politik per llogari te fushates elektorale 2011, tashme po ne baze te kesaj database, Bashkia Tirane ka filluar procesin e manipulimit te Asambleve te Bashkepronareve te Banesave duke synuar qe fillimisht te zgjidhen “njerezit e Partise” dhe me pas te caktohen administratore fizike apo shoqeri administratoresh “qe i sherbejne Partise”, eshte shprehur Altin Goxhaj, kreu i Zyres per Mbrojtjen e Konsumatoreve. Sipas tij, Bashkia Tirane perjashtoi nga procesi te gjitha Njesite Bashkiake te Tiranes qe nuk ishin nen kontrollin e Rames, duke favorizuar vetem ato qe jane nen ngjyrat politike te Kryetarit Rama. Goxhaj ka vijuar se, vete praktika e informimit qe ndoqi Bashkia Tirane per banoret e banesave te perbashketa u bazua ne orientimin asistues te te gjithe procesit ne menyre selektive nga Bashkia Tirane, proces i cili eshte planifikuar te selektoje dhe te imponoje rregullat e lojes qe do te zgjedhin ne krye te banesave vetem njerezit qe do te preferoje Bashkia. Nga te dhenat e mbledhura nga Shoqata per Mbrojtjen e Konsumatoreve – ZMK, dy avantazhet kryesore qe do te perdore Bashkia Tirane, jane: indiferenca e njohur e qytetareve dhe mobilizimi partiak elektoral i njerezve te Partise Socialiste te cilet do te sjellin ne kyre te asambleve te bashkepronareve njerezit e duhur. “Ky proces me rendesi jetike per mireqenien e banoreve po banalizohet ne nje proces politik per te krijuar mekanizma politike elektorale per fushaten 2010 dhe per te hapur ‘vende te reja pune’ per njerezit politike”, tha Goxhaj.