Zgjatja marrëveshjes së grurit, Rusia paralajmëron: E fundit nëse Perëndimi nuk heq sanksionet

Rusia ka paralajmëruar se zgjatja e marrëveshjes së grurit do të jetë e fundit nëse Perëndimi nuk heq sanksionet ndaj saj.

Rusia ka rënë dakord për një zgjatje dy-mujore të marrëveshjes, e parë si thelbësore për trajtimin e urisë në botë, deri më 17 korrik.

Moska është ankuar shpesh se ndërsa marrëveshja i lejon Ukrainës të eksportojë grurin e saj përmes porteve të Detit të Zi, eksportet e saj pengohen nga sanksionet perëndimore. 

Ministria e Jashtme ruse tha të enjten se nuk do të ketë bisedime për zgjerimin e mëtejshëm të marrëveshjes nëse nuk merr aprovim për heqjen e sanksioneve, sipas CNN.

“Federata Ruse u kujton SHBA-së, Britanisë dhe BE-së nevojën për një heqje reale të sanksioneve të njëanshme ndaj plehrave dhe ushqimeve ruse; edhe donacionet e plehrave ruse për vendet më të varfra vazhdojnë të përballen me bllokim për shkak të sanksioneve”, thuhet në deklaratën e ministrisë.

Marrëveshja e grurit u bë e nevojshme në radhë të parë pasi Rusia nisi luftën e saj në Ukrainë. Pas pushtimit të saj në shkallë të plotë, Moska bllokoi eksportet nga portet kryesore të Detit të Zi të Ukrainës, duke përfshirë Odesa, Chornomorsk dhe Pivdennyi.

Bllokimi mbajti miliona tonë drithë ukrainas të arrinin në vendet që mbështeten në të, derisa Kombet e Bashkuara dhe Turqia ndihmuan në ndërmjetësimin e marrëveshjes.

/rtsh.al/