Zgjedhjet, Rama shpërfill edhe OSBE, teston bazën për protesta

Pavarësisht mesazheve të pafund që i vijnë përditë nga brenda e jashtë vendit, Edi Rama, duket i vendosur që t’i shkojë deri në fund mos-njohjes së zgjedhjeve të 28 qershorit dhe parlamentit të dalë prej tyre. Ai mblodhi sot deputetët, të cilëve u kërkoi që të testojnë bazën socialiste, nëse ajo është e gatshme të ndjekë idenë e tij për protesta në rrugë, për të denoncuar atë që ai e quan maskaradë zgjedhore. Rama shpërfilli kreun e OSBE, Bosh, që një ditë më parë i kërkoi PS që të zërë vendet e saj në parlament, si vendi demokratik i zhvillimit të betejës politike.