Zgjedhjet e 8 majit perfundon perzgjedhja e kandidaturave ne PS
TIRAN - Zyrtarisht Partia Socialiste ka perfunduar dje procesin e perzgjedhjes se kandidaturave ne Partine Socialiste per kryetar te qeverisjes vendore dhe keshilltare bashkiak / komunal. Ndonese ky proces duhet te kishte perfunduar me 19 mars sipas udhezimit te nxjerre nga mbledhja e fundit e Asamblese Kombetare mbledhjet e asambleve te bashkive apo komunave jane zhvilluar dhe diten e djeshme.
Burime nga selia roze bejne te ditur se ne Kryesine e PS-se jane dorezuar dhe dosjet e para te kandidateve. Nje pjese e tyre pritet te mberrijne deri ne daten 22 mars. Pas mbledhjes se forumeve ne rrethe eshte keshilli koordinues ne qark i cili do te administroje listat e kandidateve dhe do te shohe perputhshmerine e tyre me Kodin Zgjedhor.
Prej disa ditesh deputete te grupit parlamentar Socialist ishin ne zonat e tyre te patronazhit per te permbyllur te gjithe procesin e thithjes se kandidaturave. Ndonese ishte kerkuar nga kryetari i Partise Socialiste Edi Rama qe listat e kandidateve te silleshin me sa me pak perfaqesues per te garuar ne zgjedhjet e ardhshme vendore nje gje e tille nuk ka ndodhur. Nga dosjet e para te mberritura mesohet se ka edhe procesverbale qe jane dorezuar deri me nente kandidate per nje zone te qeverisjes vendore. Por do te jete mbledhja e Kryesise e cila do te vendose se kush do te garoje ne siglen e Opozites se Bashkuar per zgjedhjet qe priten te zhvillohen me 8 maj.
Ne procesverbalet e dorezuar ne forumet me te larta te Partise Socialiste kandidatet jane renditur sipas rendit alfabetik. Gjate mbledhjes se asambleve te rrethit kryetari PS-se i komunes apo bashkise bazuar ne konsultimin me anetaresine e partise dhe deputetin e ZAZ ka paraqitur projektin e kandidateve per kryetar dhe te listes shumemerore per keshilltare. Ne udhezimin e Asamblese Kombetare drejtuesit e asambleve porositen qe gjate shqyrtimit te kandidaturave te shmangen konfliktet e interesit. Pas miratimit te tyre te dyja procesverbalet per emrat e kandidateve si per kryetar ashtu edhe per keshilltar u jane derguar forumeve me larta per vendimmarrje perfundimtare.
Brenda dates 28 mars Partia Socialiste duhet te kete dorezuar emrat ne Komisionin Qendror te Zgjedhjeve. Sipas burimeve te PS-se brenda dites se neserme keshillat koordinues te partive ne qark do te perfundojne administrimin e listave per keshilltare te bashkive dhe te komunave ne juridiksionin e qarkut. Nje tjeter proces eshte dhe perfundimi i shqyrtimit te perputhshmerise se kandidateve te listave shumemerore me parimet kriteret dhe kerkesat e percaktuara ne Kodin Zgjedhor dhe ne udhezimin e Asamblese Kombetare. Se fundmi keshillat e qarkut do te miratojne perfundimisht listat per anetare te keshillit dhe i dorezojne ne PS.
Ky proces do te permbyllet zyrtarisht me 27 mars date ne te cilen pritet te mbahet dhe mbledhja e Kryesise se Partise Socialiste. Ne kete mbledhje do te miratohen listat e kandidaturave per kryetar komune apo bashkie. Pjese e vendimmarrje do te jete dhe lista e kandidaturave per anetare te keshillit bashkiak te Tiranes te miratuar nga Asambleja Socialiste e kesaj bashkie. Se fundmi do te miratohen dhe kryetaret e bashkive dhe komunave.