Zgjedhjet lokale KQZ-ja terhiqet. I jep tjeter afat opozites per komisioneret
Komisioni Qendror i Zgjedhjeve ka vendosur te jape nje afat te dyte per opoziten per te dorezuar anetaret e KZAZ-se. Kryetari i KQZ-se Arben Ristani deklaroi dje se PS-ja dhe PBDNJ-ja mund te sjellin emrat e anetareve te KZAZ-ve ndonese ka perfunduar afati ligjor. Ne rast te kundert ai paralajmeroi se KQZ-ja do te emeroje vete me konkurs anetaret e KZAZ-ve per te formuar kuorumin per vendimet qe duhen per pergatitjen e zgjedhjeve. Ne te njejten kohe Ristani tha se edhe nese opozita kthen mendje me vone ajo do te kete humbur shansin per te pasur anetarin e katert qe do emeroje KQZ-ja me konkurs. Ligjerisht nuk ka me kohe. Afati ligjor ka mbaruar.
KQZ-ja eshte duke diskutuar mundesite qe edhe ne nje kohe te dyte ta lere deren hapur per te pare mundesite e riparimit te kesaj situate. Ne rast se do te kujtohen per ta zbatuar ligjin ceshtja eshte qe sa me vone te kujtohen aq me e veshtire behet per ti lene te gjitha vendet per ta tha Ristani. Nese PS-ja sjell me vonese kandidaturat per komisionet zonale te administrimit te zgjedhjeve asaj tashme do ti takojne vetem tre komisionere ne KZAZ-te ku ka kryesine dhe dy ne ato ku ka minorancen. I pyetur per akuzat per shkelje te Kodit Ristani tha se vendimi i KQZ-se ka qene ne zbatim te ligjit. Absolutisht nuk eshte shkelur Kodi Zgjedhor. Jemi para faktit nese do te arrijme ti organizojme zgjedhjet ashtu sic duhet apo jo. Duke iu referuar Kushtetutes dhe perdorimit me analogji te te drejtes qe ka KQZ-ja ne diten e zgjedhjeve per ta shtrire dhe me perpara kesaj dite ne morem vendimin qe morem shtoi Ristani.
Kutite e votimit
Nderkohe sot KQZ-ja do te vendose per blerjen e mese 6 mije kutive te reja te votimit per shkak te demtimit te tyre. Sipas relacionit perkates te KQZ-se do te blihen kuti te reja per materialet zgjedhore pasi ato perdoren qe nga viti 2003. Mundesia e riciklimit te tyre eshte e vogel ndaj dhe KQZ-ja ka vene ne dispozicion 180 milione leke per te blere kutite. Ndersa kuti te reja per votim mund te blihen shume pak. Opozita prej mese nje viti e gjysme kerkoi hapjen e kutive te votimit duke dhene edhe mundesine e blerjeve te kutive te reja por tashme te gjitha fletet e votimit jane djegur.
Regjistrohet PD
Partia Demokratike u regjistrua dje ne KQZ per pjesemarrje ne zgjedhjet lokale te 8 majit duke u bere partia e pare qe regjistrohet ne Komisionin Qendror te Zgjedhjeve. Njekohesisht dje u regjistrua edhe LDK-ja e drejtuar nga Nikolle Lesi. Nderkohe sot do te regjistrohet partia MEGA e minoritet grek por edhe Partia e Emigranteve.
Erald Kapri