Zgjedhjet ne Izrael, me rezultat tepër të ngushtë

Pjesëmarrja e votuesve në zgjedhjet e përgjithshme në Izrael qe më e madhe se ajo në zgjedhjet e vitit 2006. Dje, në orën gjashtë të pasdites, zyrtarët thanë se kishin votuar 50 për qind e zgjedhësve. Nga të dhënat paraprake, u mësua se rezultati mes forcave politike pjesëmarrëse do të jetë shumë i ngushtë. Dje, gjatë gjithë ditës, palestinezëve të zonave të pushtuara të Bregut Perëndimor iu ndalua hyrja në zonat izraelite, vetëm në mos bëhej fjalë për emergjenca të rënda shëndetësore.