Zgjedhjet ne PS, Klosi: Ftoj te gjithe anetaret te shkojne ne kutite e votimit

Partia Socialiste ftoi dje te gjithe socialistet qe te marrin pjese ne votimet per kryetarin e partise qe do te zhvillohet sot. Permes nje komunikimi me mediat, sekretari Organizativ ne Partine Socialsite, Blendi Klosi, drejtoi thirrjen te gjithe socialisteve se kjo e shtune eshte nje dite e shenuar per seline roze, qe kurorezon me votimin ne te gjithe anetaresine e vet fushaten e zhvilluar gjate ketij muaji per zgjedhjen e Kryetarit te partise. "Zgjedhjet e se shtunes, 26 shtator, jane nje moment qe e dallon qartesisht Partine Socialiste nga te gjitha forcat e tjera politike ne vend dhe qe perben nje shprehje te padiskutueshme te demokracise se saj te brendshme, si nje realitet i prekshem nga te gjithe", deklaroi Klosi. Ai ftoi te gjithe socialistet shqiptare, qe shkojne ne votim ne qendren e bashkise apo te komunes se tyre, per te shprehur me vote mendimin per rrugen ku duhet te ece Partia Socialiste ne 4 vitet e ardhshme. Gjithashtu, deputeti socialisti, theksoi se vota e tyre do te jete dhe per liderin qe duhet ta udheheqe Partine Socialiste drejt fitores se sigurt me pushtetin e korruptuar te ciftit Berisha-Meta, te cilet me votat e grabitura te 28 qershorit, po e zhytin Shqiperine ne nje krize te thelle politike e ekonomike. "Ne 26 shtator, te gjithe socialistet duhet te votojne per cilindo nga kandidatet ne gare, duke garantuar nje proces te lire e te ndershem, dhe duke i dhene nje shtyse te forte perpara Partise Socialiste ne kete moment kur politika po rrokulliset mbrapa, duke u dhene shqiptareve perdite shembuj te keqij te imoralitetit e te moskokecarjes se plote per hallet e per shpresat e tyre", vijoi me tej, Blendi Klosi. Sipas tij, procesi do te jete transparent dhe do te zhvillohet prane cdo bashki dhe komune. D.Dedej