Zgjidhet Avokati i Shtetit. Këshilltari i Ramës zëvendëson Alma Hickën

Nga sot vendi ka një Avokat Shteti të ri. Alma Hicka është zëvendësuar nga Artur Metani, këshilltari juridik i kryeministrit Edi Rama. Ndërkohë në Komisionin e Ligjeve u diskutuan ndryshimet ligjore që e kalojnë këtë institucion nën varësinë direkte të Kryeministrit.

Deputetët e mazhorancës kanë miratuar në parim, në Komisionin e Ligjeve, projektligjin për disa ndryshime të ligjit ‘Për Avokaturën e Shtetit’, në mungesë të përfaqësuesve të opozitës. Një nga këto ndryshime është kalimi i varësisë së Avokaturës së Shtetit nga Ministria e Drejtësisë tek Kryeministri.

Një tjetër çështje e rëndësishme e përmendur është ekzekutimi i vendimeve të Gjykatës Evropiane të të Drejtave të Njeriut në Strasburg.

Projektligji për disa ndryshime të ligjit ‘Për avokaturën e shtetit’ është pjesë e paketës ligjore të Reformës në Drejtësi. (A2 Televizion)

A2 CNN Livestream

MUND TE LEXONI GJITHASHTU