Zhak Shirak në përballje me drejtësinë

Ish-presidenti francez, Zhak Shirak, është gati për t?u përballur me akuzat se ka keqpërdoruar fondet publike në kohën kur ishte kryetar i Bashkisë së Parisit, përpara se të zgjidhej president i vendit. Z. Shirak është akuzuar se ka paguar nga viti 1977 deri në vitin 1995 paga për persona dhe për punë, të cilat nuk ekzistonin në Bashki. Por 78-vjeçari, kurrë nuk i ka pranuar akuzat. Zhak Shirak është i pari dhe deri mi tani i vetmi ish-kryetar i shtetit francez i cili përballet me padi kriminale, pas akuzave për tradhti për Marshal Petain pas Luftës së Dytë Botërore. Sipas ligjit francez, ish-presidenti Shirak nuk është i detyruar të paraqitet në gjyq për t?u përballur me akuzat, por ai ka vendosur të shkojë, pavarësisht gjendjes jo të mirë shëndetësore. Vitin e kaluar gjykata arriti një marrëveshje me ish-presidentin dhe partinë e udhëhequr dikur nga ai, e cila kapte shumën e 2.2 MLN eurove, por prokuroria nuk u mjaftua me aq, por kërkoi hetim të çështjes. Nëse akuzat ndaj tij do të vërtetohen, Shirak mund të dënohet me së paku 10 vjet burg.

Shpërndaje